Uygur Medeniyet Merkezi Layihesi

 

Kahar Barat

 

Texkily qurulmisi

Merkez binasi

Ixleydigan hizmetler

Uygur Nexiryati

Uygur Radyo Stansisi

Uygur Kutuphanesi

Uygur Kixilik Huquq Texkilati

Uygur Ayallar Jemiyeti

Uygur Medeniyet Jemiyeti

Uygur Maarip ve Balilar Jemiyeti

Uygur Tarih Jemiyeti

Uygur Til Jemiyeti

Qurulux pilani

 

Uygur medeniyetini qutuldurux ve tereqqy qildurux ucun, aldi bilen Washington xehiri etrapida bir janliq Uygur medeniyet merkezi qurup ciqix derhal tutux qilmisaq bolmaydigan bir ixqa aylinivatidu. Bugunki zamanivy dunyaning boran-capqunliri icide, Uygurlarning tarihy medeniyiti geripte Yavropa medeniyeting, xeriqte Hitay medeniyeting qatmu-qat kopilirining tegide qelip, egisiz, ajiz ve kemsitilgen bir nersige aylanmaqta. Evlatlirimizning ana tili, orp-adeti ve medeny ehlaqliri bir devirdin bir devirga yetmaydigan ahvalga quxup kalmaqta. Yaxlirimiz turkum-turkumlep omurimizde anglap baqmigan cikimlik, buzuqciliq ve baxqa jinayet yolliriga qarap mangmaqta. Parlaq medeniyetimiz qara bulutlarning arqisida qelip, jahilliq, umitsizlik ve baxqa eskilikler her-birimizning qelbige singip kirmekte. Danalirimizning arzu-umitliri yerde qelip, ziyalilerimiz gilem setip, baylirimizning pulliri cecilip, helqimiz til ve medeniytimizdin tenip, dunyada hic etivari yoq, dokumentsiz, texkilsiz yuridigan bir top erzimes ademlerge aylanmaqtimiz. Amerikada, Yehudilarning ve Hitaylarning minglap medeniyet organliri bar. Hazirce bu eqilliq helqlerning nime ucun xundaq qilidiganligining tegige tehi yetkinimiz yoq. Vahalenki, bizmu xulardin qelixmaydigan bir millet bolux liyaqitimiz bilen peqet ozimizningmu bir medeniyet oyi boluxini arzu qilimiz. Bu bir hil savapliq, qanunluq heriket bolup, her qandaq bir insavi bolganliki adem hisdaxliq qilidigan adil telep. Dunyadiki barliq Uygurlarning bu ixni oz ixim dep bilixini, Uygur texkilatlirining bax tartmas bir programmisi bolup qelixini, ve Uygurlarga hisdaxliq qilidigan xehs, organ ve hokumetlerning maddy ve rohi yardemlirini ayimasligini umit qilimiz.

 

Uygur medeniyet merkezi Amerikaning dolet qanuni asasida quruludigan bir ammivy jemiyet. Merkezde UAA, Uygur Nexiryati, Uygur Radio Stansisi, Uygur Kutuphanisi, Uygur Kixiliq Huquq Texkilati, Uygur Ayallar Jemiyeti, Uygur Medeniyet Jemiyeti, Uygur Maarip ve Balilar Jemiyeti, Uygur Tarih Jemiyeti ve Uygur Til Jemiyetige atap mehsus selingan ixhanilar bolidu. Uningdin baxqa conglar ver balilar maaripi ucun bir necce sinip ajirtip berilidu. Merkez turluk ilmy leksiyeler, yiginlar, her hil balilar ve conglar siniplirini acidu. Milly korgezme ve sen’et programalirini uyuxturudu. Uygur texkilatlirining yeginliriga ve Uygurlarning toy-tukun, nezir-ciraqliriga qulay xarait yaritip beridu. Uygur Medeniyet Merkezi musapir Uygurlarning eng issiq medeniyet ailisi bolup qalidu.

 

 

Merkezning Texkily Qurulmisi

 

Merkez ozi mahiyette hoquqi nahayti ceklik, jiq bolsa belkim ucla kixidin texkil tapidigan, saatliq ixleydigan bir bina baxqurux guruppisidin ibaret bolup uning texkily qurulmisi bir qiyasta belkim tuvendikice buludu:

 

  1. Advokat: Merkez quruludiganda bir mehsus advokat yallinidu. U merkezning barliq nizamlirini qararlaxturux ucun ixleydu.
  2. Merkez BODsi: Amerikaning sirtidiki Uygurlaga vekillik qilidigan eng cong organlardin birdin vekil eza bolup Merkez BODsini texkilleydu. Reisi X yilliq bolup ozliri saylap ciqidu. Merkez BODsining houquqi: (1) Merkez reisini teyinlex-qaldurux, (2) Merkezdiki mehsus ixhanilarni kimlerge berix-bermeslik, (3) Merkezning kirim-ciqim pilanini qarar qilix.
  3. BOD yigini: (1) Her yili Dikabirning birinci heptisi icide, Amerikaning sirtidiki ozliri kelixken melum bir dolette bir qetim “Uygur Medeniyet Merkezi Hizmet Yigini” acidu. (2) Yiginning qarari yengi yilning birinci kunidin baxlap ijra boludu. (3) Iltimas ve doklatlar her yili Noyabirning birinci kunidin avval BOD reisining qoliga ve Noyabirning 10- kunidin avval BOD ezalirining qoliga tegixi xert. (4) Iltimasni yolligucilar Englizce toluq nusha ve Uygurce 5 bettin kam qisqartilgan nushida yollaydu. Iltimas xerti ve formisini BOD korsutup beridu. (5) Yiginning material korux, yol, yataq, tamaq ve uxxaq hirajet pullirini merkez fondi toleydu. Bu ciqimlar merkezning yengi yilliq ahbaratida elan qilinidu.
  4. Reis: (1) BODga yilliq iqtisat ve texkily baxqurux pilani heqqide teklip doklati yazidu, (2) BOD ceklep bergen qoquq dairiside merkezning kunduluk ixlirini baxqurudu, (3) ayliq hizmet ahbarati ciqiridu.
  5. Hisavatci: yilliq pilanda testiqlangan kirim-ciqim korsetkuci boyice, reisning testiqi arqiliq, kirim-ciqimlarni bijiridu.
  6. Zaphoz merkezdiki mal-mulukke reisning yolyuruqi boyice mesul boludu
  7. Merkez guruppisiga peqet bir egiz oy hem iskilat hem ixhana ornida berilidu. Baxqa ixhanilarni ecixqa ruhset yoq.
  8.  

 

Merkez Binasi

 

  1. Merkez binasi usti necce yuz kixilik yigin acqili boludigan “Uygur Axhanasi” ve asti ixhaniliri bar “Uygur Medeniyet Merkezi” idarisi bolup yasilidu.
  2. Astidiki merkez idarisi on necce egiz oy ve ottursida korgezme, yiginlarni ve yaki balilar oynaydigan kicigrek bir zaldin ibaret. Tuvendiki ixhanilar her qaysi texkilatlarga atap mehsus selinip heqsiz berilidu:
    1. UAA ixhanisi,
    2. Uygur Nexiryati,
    3. Uygur Radio Stansisi,
    4. Uygur Kutuphanisi,
    5. Uygur Kixiliq Huquq Texkilati,
    6. Uygur Ayallar Jemiyeti,
    7. Uygur Medeniyet Jemiyiti (korgezmehana),
    8. Uygur Maarip ve Balilar Jemiyiti,
    9. Uygur Tarih Jemiyeti,
    10. Uygur Til Jemiyeti
    11. Bir necce sinip (conglar ve balilar ucun)

l.         Merkez ixhanisi ve iskilati

m.     Axhana iskilati

    1. Iliktir-gas oyi
    2. Hajethana ve dux
  1. Ustidiki “Uygur Axhanisi” ve astidin bir iskilat qabilyetlik Uygur axpezlerige ijarige berilidu. Ular uning millyligi Vaxington etrapidiki eng dangliq bir etnik axhana bolup ciqixiga kapaletlik qilidu. Ijaridin kirgen kirimning hemmisi BOD qarari arqiliq merkez ve uningdiki ixhanilaring ixliriga bolulunup berilidu.
  2. Bina bir yurux zamanviy uskuniler bilen aldinala quraxturulup, tok, su, parnik, HDTV projector ekrani, steriyo (Dolby surround sound) remote mikrafon, kop qanalliq DVD, VCD aparatlar ornutuludu
  3. Ici-texini millyce bizep, eng guzel Uygur binasi qilip ciqixqa muxu kesipning mutehesliri tirixidu

 

 

Merkezning Hizmetleri

 

Merkezning vezipisi merkezge orunlaxqan on necce Uygur medeniyet texkilatliri ucun hizmet qilip ularga ongayliq yaritip berixtin ibaret:

  1. Merkezning qurulux pilanini layihelep ciqidu.
  2. Bu layihe vekillik 5 cong Uygur organining resmy qollixiga erixken kundin baxlap ta merkez qurulup ciqqice her Jume kuni merkez quruluxining tereqqiyat ehvali heqqide bir internet ahbarati elan qilip turudu.
  3. Merkez qurulgandin keyin her ayda bir san ahbarat ciqirip baxqurux ixliri ve paaliyetlerdin melumat beridu
  4. Axhanidin kirgen kirimni yilliq pilan boyice bezi ixhanilar, bina baxqurux ve baxqa pilanlarga serip qilidu
  5. Her heptide az degende 2 qetim ilmy doklat ve leksiyeler bolup turudu. Bular asasen her qaysi texkilatlar teripidin oz aldiga yaki birlixip uyuxturuludu.
  6. Binada boluvatqan paaliyet ve derslerning qanun-tuzum icide mengixiga nazaretcilik qilidu.
  7. Merkez hizmetciliri oz vezipiliridin baxqa merkezdiki barliq egir-yinik ixlardin bax tartmay merkezing pakize ve biheterlikige mesul boludu.
  8. Merkez hadimliri ceklime boyice ixligen saatiga qarap pul alidu.

 

 

Uygur Nexiryati

 

Uygur Nexiryatining qurulux pilani:

  1. Nexriyatning qurulux pilanini yezip ciqip merkezge sunudu.
  2. Nexriyat iqtisady jehette oz-ozige hoja tapavet orgini.
  3. Uygur Nexiryati Amerikaning qanuny testiqini elip tizimlitidu.
  4. Nexiryat Uygurlar ve orta asyaga dair kitab-materiallarni ciqiridu
  5. Nexiryat merkez BODsiga nexiryat pilanini yollap ixhana ve iqtisady yardem telep qilidu.
  6. Nexiryating merkezde bir heqsiz ixhanisi boludu.
  7. Nexriyat qurulux yigini nexriyating igilik ixlirini belguleydu

 

Uygur radyo stansisi

 

  1. Uygur Radio Stansisi teyyarliq guruppisi quruludu.
  2. Uygur Radio Stansisi putunley Uygurce anglitidigan merkezning organ radyosi bolup, asasliq programma principlirini merkez BODsi belguleydu
  3. Radio stansisi aldi bilen belkim 2 saatliq DC etrapini kozligen uzun castutiliq AM qanalini ecip ix baxlaydu.
  4. Stansa asasen Amerika ve baxqa ellerdiki Uygurlarning ehvalliri, RFAni ulap anglitix, isil eserler – maqalilar, nahxa-muzika, balilar programmiliri, sual-javap, muzakire ve elanlardin ibaret
  5. Stansini qurux, hizmetcilirini tallax, programmilirini pilanlax, tehnika terbiye ver maax ixliriga teyyarliq guruppisi mesul buludu

 

Uygur Kutubhanesi

 

  1. Kutuphana dunyada eng cong Uygur tetqiqat material merkizi bolup ciqixni meqset qilidu.
  2. Uygurlarga dair her hil kitab-materyal, jornal, gezit, un-sin lentisi, komputer arhipliri ve disirtatsyelerni toplaydu
  3. Kutuphana bir musteqil organ bolup, kitab-materyal ve iqtisady jehette oz-ozige hoja bolup turudu.
  4. Kutuphana bir mukemmel komputerliq LC catalog sistimisi ve pocta arqiliq ariyet berix tuzumini tiklep ciqidu.
  5. Kutuphana qurulgan kuni Kahar Barat 25 yildin boyan toplap kelivatqa bir yuz necce yexik kitab-materyallirini putunley iane qilidu
  6. Kutuphana munasivetli kitap-jornallarni vakaleten setip ozige kirim qilidu.
  7. Kutuphana “Uygur Kutubhanisi” jornili ciqirip kitabhanlarni elan bolgan eng yengi kitab-maqalilar, kutubhanige kelgen yengi kitablar, qisqa mezmunlar, baha ve ixlengen ixlardin heverdar qilidu
  8. Merkezdiki iskilatlardin baxqa hemme ixhanilarning 2 temi kutupahanaga teve bolup, buningga ixhanilar tosqunluq qilmaydu ve kitablarning yutmesligige mes’ul boludu.

 

Uygur Kixiliq Huquq Texkilati

 

  1. Uygur Kixilik Hoquq texkilati hizmet pilani ve internet torini yezip ciqidu
  2. Texkilat oz aldiga igilik jehette musteqil boludu.
  3. Helqara kixilik hoquq texkilatliri bilen yeqin alaqida bolup Uygur torlirini kengeytidu
  4. Qerellik ahbarat ciqiridu
  5. Dokumentlarni oz vaqtida tarqiditdu
  6. Iqtisatta musteqil bolguce, Merkez yardem qilip turudu
  7. Davamliq liksiye ve paaliyetlerni uyuxturudu.

 

Uygur Ayallar Jemiyeti

 

  1. Uygur ayalliri yigini caqirip ayallar jemiyetini qurup, hizmet pilanini maqullaydu
  2. Helqara ve Amerikidi ayallar texkilatliri bilen alaqe ornutudu
  3. Uygur ayalliri ve texkilatliri bilen alaqe ornutudu
  4. Mehsus jornal ciqiridu
  5. Ayallarga alaqidar turluk mesililer heqqide mehsus muzakire ve yiginlarni uyuxturudu.
  6. Munasivetlik her hil temilarda liksiyelerni uyuxturudu.

 

Uygur Medeniyet Jemiyiti

 

  1. Medeniyet jemiyeti qurulux yigini ecilip, jemiyet quruludu.
  2. Hokumet ve Merkez BODsiga qurulux dokalti yollap testiqlitidu.
  3. Cambridgediki “Cultural Survival” bilen alaqe ornutudu
  4. Tetqiq qilix ve ixlexke tegixlik temalarni tallaydu. Mesilen:
    1. Uygurlarning tarihy 12 muqam qatarliq senet miraslirini toplaydu ve tetqiq qilidu. Uygurlarning herqaysi yerlik sen’et materiyallirini toplaydu ve nexir qilidu. Mesilen: Dolan meshrepliri, Qumul 12 Muqami, Ili, Qexqer, Aqsu, Kuca, Turpan ve baxqa yerlik nahxa-usullar. Hazirqi zamanivi nahxa, usul ve muzikilarni retleydu. Dangliq usulci, nahxici, muzikant ve yenig ciqivatqan yax talantlarni pilanliq halda teklip qilidu.
    2. Ming oylerdiki Budda, Mani, Hristyan ve yerlik resimlerge dair barliq album ve resimlerni toplaydu, korgezme qilidu, tetqiq qilidu, eslige kelturudu, nexir qilidu, dangliq alimlarni doklat berixke teklip qilidu
    3. Her-bir tarihy devirdiki er-ayallarning kiyimliri, bok-doppilir, ayaqliri, halqa-uzuk ve girim usulliri, cac yasax xekilliri ve ularning resimlirini toplaydu, nexir qilidu, eslige kelturup tikip korgezme qilidu.
    4. Hazirqi isil edeby eserlerni bahalaydu. Dangliq yazgucilarni teklip qilidu.
    5. Uygurlaring her hil tarihy devir ve ohximigan rayonlardiki toy, cay, nezir ve baxqa murasimlirini toplaydu
    6. Hazirq dangliq ressamlirimizni teklip qilidu ve eserlirini korgezme qilidu
    7. Hettatliq tetqiqatini uyuxturup, barliq tarihi guzel hetlerni toplaydu, korzeme qilidu, musabiqe uyuxturudu.
    8. Uygur binakarliq tarihi albumini yezip ciqidu. Mexhur Qarabalgasun xehri, Bexbaliq ve Idiqut xeher binalirini, Qarahanilar ve Seidiyeler binakarligini tetqiq qilidu, korgezme ve doklat uyuxturudu
    9. Material madeniyet tarihini retleydu, her-bir tarihy devirdiki Uygurlarning kunduluk turmux buyumliri, tavar-mal, gilemcilik, toqulmicili vebaxqa buyumlirini tetqiq qilidu.
  5. Uyguylarga dair barliq kino, video materiallirini topladu. Uygur reyonida 1928- yildiki Xvitsyelikerdin baxlap hazirgice 200ge yeqin hojjetlik film, 1956- yilidiki “Hesen-Jemile”din tartip hazirhice 50ke yeqin kino ixlendi. Bularni toplap mehsus Uygur kino eyi uyuxturudu. Dangliq kino hadimlirini teklip qilidu.
  6. “Uygur Medeniyiti” jornili ciqiridu
  7. Korgezmehane qoxumce medeniyet buyumlirini setip korgezmehaneni tereqqi qildurudu

 

Uygur Maarip ve Balilar Jemiyeti

 

  1. Qurulux yigini caqirilip, jemiyetni qurup ciqidu.
  2. Uning dokaltini yollaydu ve testiqlitidu
  3. Herqaysi munasivetlik jemiyet ve alimlar bilen alaqe ornutudu
  4. Tetqiq qilix ve ixlexke tegixlik temalarni tallaydu:
    1. Bir yurux Uygur Elipbesi ciqiridu
    2. Uygurce balilar ve conglar sinipini acidu
    3. Helqara Uygur balilar festivali uyuxturudu
    4. 100 jildliq balilar oquxluqi ve CD lirini ixleydu
    5. Umek uyuxturup dunyadiki Uygur balilarning qox tilliq ve aile terbiye ehvalini ziyaret qilidu ve doklat yazidu
  5. “Uygur Maarip” jornili ciqiridu
  6. Balilar senet numirlirini teyyarlaydu

 

Uygur Tarih Jemiyiti

 

  1. Qurulux yigini ecip, jemiyetni qurup ciqidu.
  2. Uning dokaltini yollaydu ve testiqlitidu
  3. Munasivetlik institut, jemiyet ve alimlar bilen alaqe ornutudu
  4. On tomluq “Uygur Tarihi”ni yezip ciqidu. Ular:
    1. Arhelogye ve Hunlar devri
    2. Orhon Turk hanligi
    3. Orhon Uygur impriyesi
    4. Idiqut Uygur hanligi
    5. Qarahanilar
    6. Ganju Uygur hanliri
    7. Cagatay devri
    8. Yeqinqi zaman Uygur tarihi
    9. Xerqi Turkistan Jumhuriyiti
    10. Hazirqi zaman Uygur tarihi
  5. Tetqiq qilix ve ixlexke tegixlik temalarni tallaydu. Mesilen:
    1. Tarihimizdiki komulup qalgan ve nami bar ulug xehsler: Tunyuquq ve evlatliri, Mahmud Qexqeri, Yusup Has Hajib, Elixir Nevayi, Amannisahan, Sadir Palivan, Elihan Tore, A. Otkur, T. Almas, A. Mehsum, L. Mutellip, M. Bugra, Alptekin, E. Ziyayi, Z. Sabir vehakazalar
    2. Tarihimizdiki muzakire qilixqa tigixlik ademler. Mesilen: Appaq Hoja, Yaqupbeg, Ehmetjan Qasim, Abdukerim Abbas, Burhan Xehidi, Seypidin Eziz …
    3. Tarihimizdiki muhim veqelerni muzakire qilidu, mesilen: Koc-koc, Monggul istilasi, Qumul qozgulangi, “Xinjangning tinc azat boluxi”, vahakazalar
    4. Mexhur tarihcilarni doklatqa teklip qilidu.
  6. “Uygur Tarihi” jornili ciqiridu

 

Uygur Til Jemiyeti

 

  1. Qurulux yigini caqirip jemiyetni qurup ciqidu.
  2. Qurulux dokaltini yollaydu ve testiqlitidu
  3. Herqaysi munasivetlik jemiyet ve alimlar bilen alaqe ornutudu
  4. “The Encyclopaedia Uygurica” teyyarliq guruppisi qurulud.
    1. “The Encyclopaedia Uygurica Foundation”ni qurup ciqidu.
    2. Hazirce eng ilmy yezilgan “Encyclopaedia Iranica” bilen “Encyclopaedia of Islam”ni ulge qilip bir pilan tuzup ciqidu. Maddilarni tizimlap ciqidu. Yezixqa uyuxturux, tehrirlex, nexir qilix ve qelem heqqini pilan qilidu.
  5. Tetqiq qilix ve ixlexke tegixlik temalarni tallaydu. Mesilen:
    1. Orhon Turk dokumentlirini nexir qilidu
    2. Qedimqi Uygur Mani, Budda ve Hristyan dokumentlirini toplaydu ve nexir qilidu
    3. Divanning Inglizcisini qayta basturudu
    4. Uygur kona-yengi yezigini tetqiq qilidu
    5. Uygurce-Inglizce Lugat tuzudu
    6. Uygurciga kirgan sozler ve ularni Uygurcilaxturuxni muzakire qilidu
    7. Baxqa texkilatlar bilen birlixip “Birinci Novetlik Helqara Uygur Tetqiqati Konferensi” acidu
  6. “Uygur Tili” jornili ciqiridu
  7. Alimlarni teklip qilip liksiye ve seminar uyuxturudu.

 

Qurulux guruppisi

 

  1. Qurulux ve baxqurux ixlirida tejirbisi bar balilardin bir qurulux guruppisi uyuxturidu.
  2. Pul tijex ucun imkanqeder kampaniyege bermise bolmaydigan ixlardin baxqalirini imkanqeder ozimiz ixlexke tiriximiz
  3. Amerikidiki barliq Uygurlarni 20 saet halisane emgekke caqiridu. Kelelmeydiganlar orniga $200 pul bersimu buludu. 20 saet halis emgektin artuq ixligenlerning saetige qarap heq berilidu

 

Uygur Medeniyet Fondi ve Qanun

 

Pul baxqurux bir murekkep opiratsye sistimisi. Her bir dollarni ciqargan Uygur yurekide xu pulining xek-xubhesiz uddul medeniyitimizni revajlanduruxqa serip boluxini umit qilidu. Bezi fondlar nahayiti qanuny, ixenclik, ilmy ve unumluk boludu. Bezi fondlar cuvalcaq ve pursetperestlerge yem boludu. Biz buni pilanliganda qanunni oyliximiz, unumini oyliximiz ve uzaqni oyliximiz lazim. Bizning medeniyet quruluximiz bir bina selip bergenge putudigan, 100-200 yildin keyin tohtap qalidigan bir ix emex. Biz her qandaq adem her qandaq vaqitta medeniyetimiz ucun pulini ixenclik atalaydigan, bu pulmu xek-xubhesiz uddul medeniyet ixlirimizge baridigan ve hicqandaq suguq qol tegelmeydigan bir fondni tikliximiz lazim. Bning xertini hazirligan dolet Amerika ve eng yahxi jay Vaxington. Fondning qanuny maddiliri ozgermesligi kerek. 70 yil otkendin kiyin apla munu yeri bolmay qaptu disek bolmaydu. Xunga uni nahayiti etrapliq ve mukemmel tuzup ciqiximiz kirek. Ehvaldin qariganda pulni yigmaq ungay emma hejlimek tes. Bularni ayrim mutehesler bilen olturup muzakire qilip qararini ocuq heliqqe uqturuximiz kerek.

 

 

 

Buningda oylixidigan tuvendiki bir qance ixlar bar:

Kirim:

  1. Qaysi banka, qandaq banka ve qaysi hildiki hisavatni ecix kirek? Buningga bizning banka ixliridin heverdar muteheslirimiz javap bersun.
  2. Mence qerzni fondga arlaxturmasliq kerek, baxqurux tes.
  3. Iane berguciler xert qoymaydu. Fondga kirgen pul qayturulmaydu.
  4. Iane qilgucilar cekni qandaq ve qaysi adrisqa yazidu?
  5. Sirttiki bankalardin pulni bivaster “wire” qilidiganlar qandaq qilidu?
  6. Yiraq-yeqindin neq pul beridiganlar qandaq qilidu?
  7. Banka ayda bir qetim hisavat doklati ciqiridu. Uni “Fund Reisi” ve yaki “Trustee”ga evetidu. Ularning vezipisi ayliq kirim-ciqimi elan qilix. Kimlerge elan qilix kirek? (1) Merkez BODsi ve merkezning reisige? (2) Munasivetlik ademlerge? (3) Putun dunyaga?
  8. Banka bilen boludigan alaqilar advokat ve uning qanuny hojjiti arqiliq mangidu. Iane, qerz ve qismen qerz - qisimen iane berguciler bivaste advokat bilen alaqilixidu. Advokat ularga qanuny guvaname beridu. Ismini elan qilixni hahlimaydiganlarga advokat mehpiyetlik guvanamisi beridu. Eger muxu ixlarni banka ozi bijirelise ve sistimimiz mukemmel bolsa, otturluqta advokatning zororyiti barmu?
  9. Iane bergucilerning ismini qandaq elan qilix kirek?
  10. Ismini ilan qilixni halimaydiganlarning ismini mehpi tutuxqa qandaq qanuny kapalet bergili boludu?
  11. Namsiz ademler pul berse qandaq boludu?
  12. Iane bergucilerge qndaq qanuny guvaname berilidu?
  13. Ularga berilidigan “Tax Exempt” guvanamisining qetellerde qandaq roli boludu?
  14. Merkezning axhana, kutuphana ve korgezmehanesidin kirgen kirimlerni qandaq qilix kirek?

 

Ciqim Xekli …

  1. Fondga iane qilingan pullar BODning yigini arqiliq “Yilliq Hirajet Pilani”ga kirguzuludu.
  2. Pilan banka, advokat ve merkez reisige bir nushidin evetip berilidu.
  3. Banka “Yilliq Hirajet Pilani”diki pulni ayrim cek hisavatiga ayrip quyudu.
  4.  Merkez hisavatcisi merkez reisining testiqi bilen cek yazidu.
  5. Merkez reiside pevqulladde ehval astida pilandiki pullardin bezilirini tonglutup turux huquqi boludu.
  6. Fond maaxliq adem yallimaydu, fond ucun ixligenlerge saatliq pul beridu.

 

Ciqim I: Tuvendiki medeniyet texkilatlirining opiratsyesige berilidigan pullar ayrim-ayrim muzakire qilinidu

 

  1. UAA ixhanisi
  2. Uygur Nexiryati
  3. Uygur Radio Stansisi
  4. Uygur Kutuphanisi
  5. Uygur Kixiliq Huquq Texkilati
  6. Uygur Ayallar Jemiyeti
  7. Uygur Medeniyet Jemiyiti (korgezmehana)
  8. Uygur Maarip ve Balilar Jemiyiti
  9. Uygur Tarih Jemiyiti
  10. Uygur Til Jemiyeti
  11. Siniplar
  12. Merkez binasi ciqimliri

 

Ciqim II: Tetqiqt ve tereqqiyat turlirige berilidigan pullar

 

  1. Tetqiqt turliri imkanqeder texkilatlar arqiliq bolux kerek. Mesilen birsi Uygurce CDlarni ciqarmaqci bolsa uni Uygur Medeniyet Jemiyetining pilaniga kirguzup, nazaritini qubul qilix kirek.
  2. …

 

Ciqim III: Institutlarga berilidigan pullar

  1. ….