U Heqiqetenmu Mini Uningsiz

Yashiyalmaslighimgha Ishendurgen

(I)

(She proved that I can’t live without her)

Muhabet

Mining yashighan yurtimdin ta men 19 yashqa kirgiche bir yahshi koridighan qizni uchiritalmidim, bilmeymen men 19 gha kirsemmu kizlar manga yeqimliq geplerni qilsimu yaki bille parnglishishqa etta kinolargha bille berishni dewet qilsimu mende gheyri jinistikilerge nispeten heshqandaq tuyghu yoq idi. Her dayim men qizlargha ishim bar idi kechurisiz digendin bashqa geplerni diyalmayttim.Bir kuni hammam mini oyige kep kitish toghurluq birisidin gep chiqiriptu, chunki men toli chaghlarda hammamning oyide turghanlighimdin hammamning gepini apamdinmu bekirek anglayttim, nimu jiddi ishi bardu dep Hammamning oyige welsipitte bir saette aran berip hoylidin kirishimge hammam hoshallighida waqirap : Qasimjan chaqqan bolung Nayiljan keldi chapsan chiqing dep uzi oyde birnimilerni qilish bilen aldirash idi. Hammamning eri Qasimahun sadda aq kongil birsi tillisimu xeqqe ezer bermeydighan tiyiplik Uyghur diqqanliridin idi, mini korup derhal : Balam yahshi turdungmu,hammang sining ghemingda kiche kundiz digidek piqirap yuridu, bugen bilmidim bek hoshaldek turudu mini adette Qasimahun deytti bugen Qasimjan dep hejep yeqimliq chaqirip ketti bilmidim sen uchun bir yahshi ish bardek turudu qene oyge kirgin herip ketkensen balam dep mini oyge ilip kirdi.
Hammamning oyi mining oz oyumdinmu manga erkin tuyulatti, men oyge kiripla issiqlap telep ketken maykamni yeship shimim peti tamaqqa tutush qiliwatqan hammamning yenigha kirip sughoq sudin bir ichip chiqay dep kirishimge hammamning yenida bir chirayliq chirayliq bolghandimu putin bedini risimda sizip qoyghandekla bir qizning hammamgha yardemliship tamaq qiliwatqanlighini korup turghan yerimde qetip qaptimen yureklirim dupildep huddi tinimdin ajirap chiqip kitidighandek, Hammamning Nailjan keldingmu balam bu qizchaq Guzelnur bolidu mining dostumning dostining qizi, digen geplirinimu anglimay qizgha tikilipla qaptimen.

Nayiljan, Nayiljan nimu bolding digen hammamning gipini anglap hammamgha qarisam,
Hammam: uzeng nime bolding? qare ma turqingni maykangni kiyiwalmasen, digendila uzemning shitan peti turghanlighimni bilip yuzlirim qizirip keynimge burulupla ichkirki oyge kirip kettim. Biraz waqit otkendin keyin Qasimahun aka : Ey Nayiljan tamaqqa chiqe dep mini chaqirdi,men hijaletchiligimdin asta chiqip huddi oghurliq qilip qoyghandek hemmeylenge qariyalmay ustelge kilip qizning yenigha qoyup qoyghan orunduqni uningdin yiraghiraq tartip olturdim.Hammam: Hoy ozeng bugen saqmu nimu boldi he? ekile bishingni tutupbaqay zukam – pukamdin halimu bu dep beshimni tutup qoymaqchi boliwidi men hammamning qolini ishtirip: Nediki gepni qilidikensiz hesh ish yoq, dep tehsidiki lengmenni emdi yiyishimgha tehsidiki lengmenning suyi aldimgha tukilip kitip ,hemmeylen waraqqide kuliship ketti. Tamaqtin keyin hammam mini bashqa oyge chaqirip:Nayiljan men sening ghemingda az yugirmidim, bu qiz ozi chirayliq we ehlaq jehettinmu bek yahshi, Toluq ottura mektepni puturip dadisining ornigha bir mashinisazliq zaotida tehnik ishchi bolup ishleydiken, ishnimu yahshi qilip zaot boyiche hizmet nemonchisi bolup bahaliniptu, bu qizdek qizni sen omuringde tapalmaysen, nechche qitimdikidek qizni yaratmay yurseng bolmaydu,bu mining eng ahirqi qetim sanga qiz tonushturishim bolidu, bundin keyin mining chatighim yoq jumu? digen geplerni qilip, qiz ha oylidaiki alma deriqining astida alma uziwatidu sen chandirmay berip yardemleshken bolup gepleshseng bolidu didi.

Men dupildigen yurigimni basalmay, sughoq su bilen yuz kozumni yuyuwitip asta qizning yenigha bardim.

Ismi jismigha layiq heqiqetenmu güzel qiz iken, hawa reng shipung duhawidin qisqa yenglik uzun koynek we koynek bilen ohshash rehte bilige lenta chigiwaptu, boynigha sösün rengde yaghliq qekken bolup chechi qaramtul anche uzun bolmisimu büdire bolup mörisige chüship turatti, qash kirpikliri eghiz burunliridin nuhsan tapqili bolmaydighan bughday onglik kiz bolup, kokirigi adettiki qizlarnikige qarighanda helila chong idi. Mining kewatqanlighini bildi bolghay udiqqinidin tas qaldi shotidin orilip ketkili, men yugirep berip singayan bop qalghan shotini tutuwaldim, u hijilchiliqtinmu bilelmidim yuzliri qizirip ketti we manga qarap: rehmet sizge, siz tutuwalmighan bolsingiz yiqilip kitettim diyishige men: hechqisi yoq ekiling siwetni manga bering almini men uzuship berey dep, shotigha chiqip birdemdila bir siwet alma uziwetkenligimni uzemmu bilmey qaptimen, men siwetni Guzelnurgha berishimgha u siwetke qarap qaqahlap kulup ketti,uning kulki awazi huddi yeqimliq mozikidek anglinatti men turup: siz ejep kulip kettingizghu diyishimgha, u: qarange sizni alma uzdim dep sap tong almini uziwapsiz, almining pishqinini uzmemdu, dep yana yeqimliq kulip qoydi.Men bek hijil bolup kulgendin bashqa gep qilalmidim, bir demdin keyin Guzelnur mining hijil bolghinimni bilip gepni bashqigha yotkep: Ismingiz Nayiljan bek chirayliq isim iken, siz bir yerde ishlemsiz ya? didi,men : men toluq otira mektepni puturup yezigha chiniqqili chushkili bir yil boldi dep jawap berdim, u: mining gepimgha qiziqip: siler yezida nimu ishlarni qilisiler ? dep soridi men: hemmini qilimiz bughday terip orup, bughdayni tartip un qilip we oy selish koktat terish we yaghachchiliqnimu qilimiz dep uzem qilghan ishlarni bir qur sozlep berdim,u:siz hemmini qilalaydikensiz dep mini mahtap qoydi.Men siz chu ? diyishimge hammam digendek ozining toluq ottira mektepni puturup pensiyege chiqqan dadisining ornigha zaotta tehnik ishchisi bolup ishleydighanlighini u kesipning muhimlighini we uzining konkirtniy nimilerni qilidighanlighini inchishkilep sozlep berdi. Men heqiqetenmu bu qizni yahshi korup qaldim, uning gepi shundaq yeqimliq we ozi ochuq, kichik peyil,ishchan bir Uyghur qizi idi.Biz paranglishiwirip kechki saet 5 bop ketkenligini bilmeyla qaptuq, bir waqitta hammamning: chaygha kilinglar digen awazini anglap, uzum baringi astigha selinghan destirhanda chay ichtuq , Guzelnur kesh bop ketkenligini we apisining endishe qilidighanlighini eytip ketmekchi boldi, Hammam: Nayiljan sizni apirip qoyudu dep qizning unimighinigha qarimay ikkimizni yolgha sap qoydi. Men Guzelnurni welsipitning keynige olturghizip asta oyge qarap mangduq. Yolda parangliship mangghach welsipitni ataytin yolning ongghul tongghul yerliri bilen maghghizip qizning mini keynimdin tutuwilishi koyida idim, biraq u hergizmu mini tutmidi men rayimdin kechip: yol bek eski iken sizni hatirjamsiz qilip qoydum kechuring dep epu sorap qoydum,u: men dawamliq welsipit minimen hechqisi yoq didi. Biz birdemdila sheherge kep qaptimiz, Guzelnur men emdi chushiwalay dep unimighinimgha qarimay welsipittin chushiwaldi we mining yalghuz ketiwirishimni dep turuwaldi, men uning men bilen billi mengishqa hijil boliwatqanlighini bilip: bolidu men mangay biraq men sizni bundin keyin nedin izdisem bolidu didim, u: mini izdep nimu qilisiz dep kulip jawap bermey turiwaldi andin: siz qachanlarda sheherge kirisiz dep soridi,men biz bir ayda 3 kun demalimiz her ayning 10ni 20si we 30i dep jawap berdim, u: undaq bolsa siz bilen koreshkili bolmaydiken men yekshenbe kuni dem alimen siz sehraliq ikensiz dep kulip qoyup yoligha mangdi men qizni qistay berishni layiq kormey:men choqum sizni izdep kilimen dep menmu welsipitke minip oyge qayttim.

Men oyge kitiwitip derhal hammamgha men mu qizni yahshi koridighanighimni dimigenligim isimgha kilip, keynimge burulup hammamnikige yana bir teste keldim, qoradin kirishimge Hammam : Hoy nimu boldi yenip kepsenghu? Guzelnur qeni? dep mendin soridi, Men qiz bilen bolghan paranglarni we uni apirip qoyghanlighimni dep hammamgha : Men bu qizni heqiqetenmu yahshi korip qaldim diyishimge Hammam: he emdi kozung ichiliptu yahshi malni toniydighan bopsen, bu bek yahshi boptu dep pishanmdin bir suyup qoydi, men: Men 10 kunde bir kilimen bu qiz yekshenbe kuni demalidiken bundin keyin uni qandaq qilip tepishimni bilelmeywatimen diyishimge, Hammam : Hoyjaney qizni tepip berse tehi uningbilen korishishni bilmeydiken bu ghojamni korung dep dumbemge bir yenik shapilaq urup gepini dawamlashturup: Men sanga qizning ishleydighan zaotini dep berey utturla zaotidin izdimemsen shunchiliq ishnimu bilmemsen didi, yana manga: Sen emdi yezidin chaqqanraq chiqip bir ishning ghemini qil, sheherde ishliseng uning bilen qachan korishimen diseng ihtiyaring bolidu digenlerni dep birdem parangliship men ete seherde qaytmisam bolmaydu dep oyge kettim. Yol boyi hoshallighimdin ich-ichimge patmay welsipitni bolishighiche tipip oyge qaytip keldim.Oyge kirsem apam: He kichikip kettingghu hammang yana qandaq kiz tonushturghandu ? u sening qandaq qizni yahshi koridighiningni bilmeydu, baka awaridin bashqa ish yoq shundaqmu? dep mendin soridi, men : shuni dimemsiz baka aware bop berip keldim didim.Biraq apam mining hoshal alitimni korup gumanliq kozibilen manga qarap kulip qoydi. Apam hammamgha qarighanda kam soz eghir besiq idi.

Men shu kuni kichiche uhliyalmidim eras gepni qilsam yureklirim bir kiche dupildep mini uhlatmidi , uhlay disemmu Guzelnurning chirayi we yeqimliq kulishliri koz aldimdin ketmeytti. Men her nowettikige ohshash seher turup ayrdiromgha chiqidighan aptowozgha olturup ayrdiromgha barghndin keyin tagh yoli bilen 1 saet piyade mengip etiretke keldim.Etirettikilermu ishqa chiqishqa teyarliq qiliwitiptu. Biz bir aydek bolghan oy seliwatqili,chunki bizning yataqlirimiz bek kona bolup yamghur otup bizni bek haware qilatti, shunglashqa yingidin oy selishni etirettin qarar qilip,pul bolmighashqa ozimiz kisektin tartip quyup ishlimisek bolmaytti.
Men kichichi uhlimighanlighimdin bir kun ishlep bek herip kitiptimen balduriraq orun selip yatay dep turushimgha kechte ogunish barlighini dep birsi kirip dep chiketti, u chaghlarda he disila siyasiy ogunish dep ademni bek bizar qilatti.

Uni buni qilip yana bir demilish wahtimiz kep qaldi men kechte ishtin chushipla birsining welsipitini apturup oyge qarap mangdim ikki saetlerde oyge aran keldim. Apam lengmen itiptiken leghmenge qosighimni rawus toydurup etiki Guzelnurni izdeshning ghemigha kirdm.Etisi ular ishqa chiqishtin burun zaotning derwazisi yenidiki bir derehning tuwide uni saqlidim, saet 8 mu bop ketti ishchilar terep tereptin zawot derwazisigha kiretti Guzelnurning qarisimu korilmeytti, men hata yerge kepqaldimmu deymen yana turup kormey qalghan bolishim mumkun buda ishtin chushidighan chush waqtighiche saqlay dep uyaq buyaqni chogilep del ishtin chushidighan wahtida yana keldim, bu qetimmu uni tapalmidim. Birsidin hijil bolmay sorapbahmamdimen dep bir yashinip qalghan ayaldin: men Guzelnurning tuqqini idim hapa bolmay uni chaqirip qoysingiz zorur ishim bar idi dep yuzlirim qiziriwaraq gep qildim.U ayal : Guzelnur zawot bashlighi bilen ettigen sheherge nemunchilar yighinigha ketti,bugen bir kun shu yerde bolidu, ishingiz bolsa ete kiling didi, amalsiz salpiyip oyge keldim. Oyge kelsem apam: Nayiljan sanga nimu boldi peqet yaghan gep qilmaytting, dosting Gheniyning oyige barimen dep ketken iding, Gheniy bu yerge sini izdep keptu, men anglidim mendin yoshurmisangmu bolidu,Hammachang buda eras tapqan ohshimamdu didi, men apa kichiring depla oyge kirip kettim.

Etiretke kilip aldirash ishqa kiriship kettuq , men ichimde Nayiljan unchiliq ish digen oghul bala uchun nimu gep buda qetim choqum u qizni tapalaysen gheyret qil dep uzemge uzem nesihet qilattim. Qerishqandek ishlirimiz aldirash bolup budaqi qetimliq demilishni keynige surup ikki kun dem alidighanlighimizni etirettin uhtardi, men bekmu bekmu azaplandim. Ahiri 20 kundin keyin bizni ikki kunlik dem elishqa qoyiwetti. Bizning etiritimiz turghan yer oyemge 40 kilomitir kiletti, men hoshallighimdin kechte piyadila oyge kettim 4 saetke yeqin yol mengip oyge aran kiliwaldim. Kelsem dadammu oydiken,Dadam dohtur idi toli chaghlarda sirtta bolatti, dadam manga :kel balam, ishing aldirashmu qandaq ? oghul bala uchun ishning eghiri bolmaydu ,biraq shuninggha diqqet qilghin tamaq bilen uyquni qoldin berme didi, we yana yingi hewerler bardek turudughu diyishige men qizirip : yoq gep dep qoydum, apam: Undaq emestu buda heli rastek turidu didi ,men gepni bashqa paranglargha yotkep tamaq yigesh uzinghiche parangliship olturduq.

Etisi men yana seher turup Guzelnurning zaotigha keldim biraq sel kichikip qaptikenmen zaotqa ishchilar kirgili turuptu men Guzelnurni korelmiginimdin yana otkendikidek bolishidin qattiq endishe qilattim. Biraz waqittin keyin ishchilar zaotqa kirip boldi,men sewirlik qilip sel kechikip qalghanlighimni oylap u choqum men kilishtin burun zaotqa kirip ketti dep oylap zaotning derwazisini qaraydighan qerigha yalwerip otkendikidek jiddi ishim barlighini dep turuwaldim,u manga: Bolidu chaqirip qoyay biraq yerim saettin keyin chunki ular hazir siyasiy ogunish qilidu didi. Men Guzelnurning bugen barlighini anglap heliqidek yurigim yana dupildeshke bashlidi.
Bir waqitlar otkendin keyin bir kok ishchiliq ishtan chapan keygen bir qizning zaot derwazisidin chiqqanlighini kordim u Guzelnur idi, ishchiliq kiyim uninggha bek yarishiptu koynek kiygen wahtida anche bilinmeydighan chong kasisimu huddi quyup qoyghandekla uzige yariship turatti.
Mining turghanlighimni korup: Yahshimusiz, men men ….. dep dimekchi bolghan gepini yutuwitip kozlirige yash elip gipini dawamlashturup: nimu ishingiz bar? men emdi ishqa chushtim siz bilen uzun paranglishalmaymen didi.Men nimu diyishimni bilelmey : Yahshimisiz ? men bugen ete ikki kun bu yerde bolimen bir korishsek deymen waqtingiz barmu? didim.
Bugen mu etimu yekshenbe bolmisa men ishlimisem bolmaydu didi u,men turup: kechte bolsimu bolidighu bugen kechte asma korikning yenida korishsek qandaq? dep turushimgha Guzelnurni zaottin birsi chaqirdi u zaotqa kirip kitiwitip: mini chaqiriwatidu,men qarapbaqay digen gepnila qilip zaotqa kirip kitiwatatti men keynidin : men saet 6da saqlaymen dep waqiridim u keynige bir qarapla qoyup zaotqa kirip ketti.

U chaghlarda himiyilik talada toqulghan kiyimler bek etiwar idi men hawa reng qisqa yenglik koynek bilen qara shim kiyip beshimgha kerishnaway shepkini kiyip uzemche yasinip Guzelnur bilen korushishke bangdim, men saet beshte oydin chiqip tehminen 5 yerimlarda asma korikke kep bolghan idim, u chaghlarda bir qiz bilen bille parangliship turghiningizni bashqilar korup qalsa putun sheherge yeyiwitetti,shuningdin pehes bolup asma korikning yenidiki derehliqning ichide tashta otturup saqlidim. Uchaghlarda saet heli qimmet nerse idi dadam bilen apam ikkilisi ishligen bilen bir ayliq maashi bizning tumushimizdin eshinip manga saet elip berishke yetmeytti,ya uzem ishleppmu bir saet alalmayttim, ben yezida bir yil ishlep tamaq pulimni tutup qelip qulamgha 125 som pul tigiptiken, bu pulni qandaq qilay dep oylap qarisam shu chaghda bu pulgha Shanghai saetidin birsi kilidiken, men saettin birni elip akamgha berdim, akammu manga ohshash yana bir yezida chiniqishta idi u bek hoshal bop ketken idi. Akam saet tahmayturup men teqiwilishni yahshi kormidim. Men yerim saettek saqlidimmiken bilmeymen waqit bek uzun bop ketkendek tuyuldi Guzelnur tehiche yoq. Men derehliqtin chiqip birsidin saetning nechche bolghinini sorapbaqay dep chiqsam yiraqtin bir ishek arwida otun ekewatqan adem korundi, yeqinliship kelgende men emdi saetni soray dep turushimgha u adem: Oy Nayiljan qandaraq ehwaling korikni tosap koriktin otish pulini almaqchimu dep chaqchaq qildi. Men qarisam u kishi men toliq ottira 1-yilliqta bizning mektepke oy seliwatqanda tonushup qalghan Qasim aka idi.Qasim aka 60- yilning beshida Urumchide ali tehnikomni puturup shu yerde bir idarida tehnik bolup ishleptiken keyin uni milli hesiyati kuchluq dep hizmitidin eydep yezigha chushiriwitiptu. U adem bek bilimlik idi, men tunji qetim Sherqi turkistan digen gepni we bizning ay yultizliq kok bayrighimizning barlighini bizde qudiretlik armiyimiz bolghanlighini we urushlarda bolghan weqelerni Qasim akidin anglighan idim. Qasim aka gepini dawamlashturup qaltis kiyiniwapsenghu birer qizni keltirey dewatamsen nime? uzun boptu koreshmigili yahshi turuwatamsen ukam dep chaqchaq arlash ehwal soridi. Men: Qasim aka ozingiz yahshi turdingizmu ? utanni qaltis apsizghu ukizingizning ornigha ishek eydiwapsizghu didim,U turup: siler bilen utan toshighandiki ukizni otken qishta rehmetlik qiliwitip ishektin birni aldim bugen dem alghantim oyde utan qalmaptu, yenggeng beshimni aghirtip tonurgha qalaydighan utan yoq dep, shuning bilen utangha berip keldim, taghdiki utanmu yiraqliship kitiptu, siler bilen bille utan toshighanda bek yahshi idi parang bilen zerikmeyttuq siler kitip utangha baridighanlar aziyip ketti bugenmu yalghuz berip keldim didi.Biz burun her yekshenbe digidek billi utangha barattuq, adette chushtin keyin ketip taghda qonup etisi qaytip kilettuq, keshte harwilarni opchorimizge qoyup ottirigha ot yeqip ottni choridep otturip oydin awaghan ghezalirimizni yigesh Qasim akining paringini anglap tang atqininimu bilmey qalattuq.

Men Qasim akigha : Menmu bugen dem alghan idim, sizdin yoshiridighan gep yoq, ras siz digendek bir qizni saqlap turattim, u qizni siz tunuydighan bolishingiz mumkun towen melidiki mashinisazliq zaotida ishleydiken dadisining ismi Sawut deydu didim. Qasim aka: Sawutahun ustamning qizikende bilimen,senmu yaman nerse u chirayliq qizni keltiripsende, yahshi ademning qizi yahshi boptu didi. Biz biraz paranglashqandin keyin Qasim aka: men mangay yenggeng endishe qip ketmisun, kelgen chaghda oyge kelgin kizlarning keynidila yurmey dep men bilen hoshliship oyige ketti.

Men parang bilen bolup saetning nechche bolghininimu sorimaptimen, men yana derehliqning ichige kirip kettim, biraz waqittin keyin perizimche saet7 din ashqan waqitlar bolishi mumkun del shu chaghda yiraqtin bir welsipitke mingen qiz korundi, yeqinlap qalghanda qarisam Guzelnur iken, men uni korep yurigim yana dupildeshke bashlidi, u ushaq ap yolliq qeniq kok ishtan we nawat renglik qisqa yenglik kopta kiygen bolup boynigha qizil yaghliq seliwaptiken kyimliri uni tehimu chirayliq qiliwetken idi.

Men derehning arisidin chiqip dupildigen yureklirimni besishqa qanche tirshsammu yurigimning soqushi barghan siri tezlishiwatqandaq hes qilattim, Guzelnur mini korup welsipidin chushup mining yenimgha kegesh : Men sizni derehning ichidin chiqiwatqiningizda yol tosidighan bulangchimiken dep chuchup kettim dep chaqchaq arlash gepini dawamlashturup yahshimusiz dep salam berdi, Men : Yahshimusiz ,sizge chequlghidek qandaq yurigi chong bulangchi bolsun dep gepigha jawap bergesh salamlashtim. Men: sizni izdep kilimen digen idim biraq bir ayda aran sizni uchiritaldim, kechuring didim, u: kechuring deydighan nimusi bar deysiz , men siz bilen korishimen dep wede qilmisam didi.Men Guzelnurning gepidin we ettigen uchurashqandiki chaghdiki dimekchi bolghan gepini dimigenligidin mendin hapa ikenligini sezgen idim. Men derya boyigha berip paranglashsaq bolamdu? dep soridim, u : nimu paringingiz bolsa mushu yerde deng, mining ishim bar uzun turalmaymen didi, men bu yerde paranglashsaq heqlerning korup qalidighinini dep unimighinigha qarimay uni asma koriktin yiraghiraq yerdiki derya boyigha ap keldim. Bu chaq sekkizinchi ayning ahiri bolup, saet 7din ashqan bolsimu kun petishqa heli waqit bar bolup kun issiq idi, derya suyi tashtin tashqa urulip shaqirighan awaz chiqirip aqatti,su bek suzik bolup suning astidiki beliqlar uyaqtin buyaqqa huddi bir birini qoghlashqandek uzetti. Men Guzelnurgha qarap bir aydin beri uning bilen korishelmigen seweplirimni digesh: bu bir ay men uchun bir yildek bilinip ketti diyishimge u bayamqigha qarighanda chirayi heli echilip: sizni men aygha chiqip kettimiken dep oylaptimen didi,men derhal : ay qeshimda tursa aygha chiqip nimu qilattim didim,u turup: tatliq geplerni qilip mini aldimang dep kuldi ,men: sizni aldaydighan siz bir kichik bala bolmisingiz men ras gep qiwatimen siz heqiqetenmu aydek guzel ikensiz dep gepni bashqa yerge yotkep ishliringiz qandaq aldirashmu? dep soridim, u biraz rehetlengendek bolup hizmitining aldirashlighini uning ustige sheher boyiche nemunchi bolup saylanghanlighini we bashqa idarilerge berip tejiribe almashturush ishliri bilen aldirash ikenligini eytip kep: ozingizchu ishliringiz qandaq bek aldirash ohshimamsiz didi, men:kuzlik yighim terim wahti bolghashqa biraz aldirash uning ustige bosh waqitlirimizda kisek quyup oy selishqa teyarliq qiwatimiz didim.

Men siz ballarning chongimu dep soridim, u bir singlisining barlighini ikkila bala ikenligini eytti we mendin: sizler nechche bala dep soridi men : biz 5 bala bir akam ikki inim we bir singlim bar diwidim u turup nimu digen yahshi biz ikkila qiz bir akam yaki bir inim bolghan bolsa bek yahshi bolatti didi, men Turup: mini aka qiwiling bizning oyde oghul bala jiq apingizdin sorapbeqing mini bala qiliwalamdiken didim,u turup: siz nimu digen eski, gepke gep seplep turidikensiz didi.Men Guzelnur bilen paranglashqash qulamgha bir tashni ap su yuzige qaritip bir atqan idim tash su yuzide 5 qetim sekrep andin sugha chokup ketti, mini dorap Guzelnurmu bir tashni ap sugha atqan idi tash shu yeridila chokup ketti, ikkimiz tengla kuliship kettuq. Men Guzelnurgha tashning yapilaghini tallap atsingiz bolidu didim,u yapilaq bir tashni ap yana atqan idi tash yana shu yerdila chukep ketti. Men bir yapilaq tashni tallap: kiling men sizge ogutup qoyay dep uning keynidin ong qolumda uning ong qolini tutup ( shundaq issiq kundimu uning qoli shundaq sughoq bolup, ademni bek rehetlenduretti) men bir,ikki, uch digende tashni qoyiwiting didim, u mining diginimdek qilghan idi tash su yuzide ikki qetim sekridi, u hoshal bop: ikki qetim sekridi, ikki qetim sekridi didi, men yana bir qetim ogitey dep oning qolini tutup tashni qattiq tashlighan iduq tash 4 qetim sekridi, biraq bek kuchiwetkeshke mining putum teyilip keynimge yiqilip chushtim, Guzelnurmu yiqilip mining bilimge olturup qaldi, men diqetsizliktin sol qolamda uning sol kokurikini tutuwalghan idim. Sol qolumdin huddi tok soqqandek bir siginal yurigimge kelgendek boldi, we mamuqtek yumshaq kasisi bilimge tigip turatti men gep bilen ipadiligili bolmaydighan halette shunche rahetlik hes qilmaqta idim,Guzelnurning mushi peti uzuniraq bilimde olturishini oylayttim, u chachirap turup ketti, men yatqan yerimde kuzemni yumup yetiywerdim bir kemde kuzimni echip qarisam u tetur qarap kiyimlirini tuzeshturuwatatti, men uning hijil bolghanlighini bilip: oyjan belim oyjan dep waqiridim, u qeshimgha kep: uyey bir yeringizni aghirtiwaldingizmu emdi qandaq qilghuliq dep piqirap ketti we mining qolumni tartip astaraq turup heriket qilsingiz yahshi bop qalar diyishige men des turup uninggha qarap kuldim, u mining yalghan qilghinimni bilip: eski, siz bek seki ikensiz dep kuldi.Biz parang bilen saetning 9 bolay dep we kunning petishqa az qalghanlighini bilmey qalghan iduq, birkemde Guzelnur setige qarap apla saet 9 bolay dep qaptu men ketmisem bolmaydu men apamgha saet 9da qaytip kilimen digen dep mining zorlishimgha qarimay manga hosh eytip ketmekchi boldi,men : Guzelnur biz ete yana mushu yerde koreshsek bolamdu ?didim,u turup: ete Bizning hoshinimizning oyige apam bilen berip aldimizdiki yekshenbe kuni bolidighan bushuk toyigha yardemleshmekchi kechuring didi. Men : undaq bolsa kilerki qetim men kelgende billi kinogha barsaq didim, u: shu wahtida qarapbaqayli didi,men: men 9-ayning 10-kuni dem alimen shu kuni kechte choqum kinogha billi barayli didim, u : biraz turup kitip meyli men kino bilitini ap qoyay siz kembaghal diqqanning puli yoq didi, men uzem alimen disem u : undaq bolsa men kinogha barmaymen didi, men lajsiz qoshuldim. U men bilen hoshliship welsipitige minip asma korikning uterepige mangdi men uning qarisi korimigiche qarap turup asma koriktin utep oyge kettim.

Men Guzelnur bilen ikki qetim korishish jeryanida uning gep sozidin we ish herikitidin uningmu mini yahshi korup qalghanlighini sezgen idim, men mining uninggha bolghan qizghin semimi we uzemni unutqan haldiki muhabitimni tehimu chungqur ipadilesh uchun uni qattiq quchaghlap baghrimgha basqim we suyup tillirini shorap uning muhabitidin behirman bolishni we miningmu tillirimni shorutup dilimdiki muhabetni toluq ipadiligim bar idi, biraq uning kulimsirigen yuzini korginimde we illiq geplirini anglighinimda bilmeymen yureklirim pok pok qilip dupildep soyup quchaghlighanni qoyup qolini tutishqimu juret qilalmayttim.

Men oyge qaytip kilip yatidighan chaghda bugenki Guzelnur bilen bolghn gep- sozlirimizni we billi tash etip oynighanlirimizni eslep peqet uhliyalmidim, tang atay digen waqliri bolishi mumkun aziraq uyqu basqandek boldi oyghansam saet 11 boluptu, oydikilerning hemmisi hizmet we mekteplirige ketken idi. Men ornumdin turup chay ichip oltursam mining kelgenligimni anglap Gheniy keptu, Gheniy men bilen toluq ottira mektepni billi puturip Dadisi burun tugep ketkeshke ayliside bashqa oghul bala bolmighanliqtin sheher ichidiki qurlish idarisigha ishchi bop ishqa chushken idi , Men uni korup: eghine qandaraq ehwaling yahshi turuwatamsen, bugen ishqa barmidingmu dep soridim, u turup: ettigen ukangdin sining kelginingni anglap ishqa bir korunip qoyup sen bilen korishkili kelginim, hazir bizning idarida ishning tayini yoq ettigende berip korunip qoyup oz ishimizni qiliywerimiz, hemmisi shundaq qilidu, muashimizni birtiyin uyaq-buyaq qilmay toluq beridu dep kulip qoydi. Men yahshi kepsen men ikki kunlik demilishqa kelgen idim ete kitimen, bugen eger ishing bolmisa deryagha sugha chuship kelmemduq didim, u nimu ish bar deysen shundaq qilayli menmu hili boldi sugha chushmigili digesh men yoldin beliq tutidighan qarmaqnimu awalay didi . Biz Gheniyning oyidin qarmaqni elip ikki welsipitte derya boyigha kelduq. Bu yer deryaning yoquri teripige jaylashqan bolup, su leylep aqidighan suyi chongqur we asti qum bir yer idi, biz baliliq cheghimizdin tartip mushu yerde sugha chomulip oynayttuq.

Biz sugha chushkesh beliqmu tuttuq, Gheniy derya boyidiki layning ichidin sazang qurtlarni kolap ilip qarmaqqa otkuzip beliq tutmaqta idi, bir demdin keyin u chishlidi chishlidi dep waqirighash qarmaqtiki yipni aldigha bolishishigha tartatti birdemde qoligha bir 25 cm kilidighan beliqni manga korsitip chong birsini tutuwaldim dep waqirap hoshal bop ketti, shundaq qilip u keyni keynidin 5-6 beliqni tutuwaldi.Biz birdem sugha chushkendin keyin qosaqmu ashqandaq qildi, men turup: Ey Gheniy bu beliqlarni burinqi pedimizde otqa qaqlap yimemduq didim, shuning bilen ikkeylen tashlarni tizip kichik bir uchaqtek birnerse yasap ot yeqip beliqning ichini taziliwitip chiwiqlargha otkuzip otqa qaqlap yiduq, heshqandaq dari-darman bolmisimu bu beliqning goshi bek mizliq idi.Biz bala waqtimizdin mushundaq qilip sugha chushkesh beliq tutup we beliqni su boyidila pishirip yeyttuq. Biz kalta ishtanlirimiz ni siqip aptapta qurutup, kiyimlirimizni kiyip oyge qayttuq, gheniy men idarigha korunip qoyay dep idarisigha ketti, men oyge qaytip kelsem saet 4 bolghan iken, oydiki 12 inchliq rengsiz televizorni achsam Uyghurche Qizil Chiraq diramisini qoyuwitiptiken, u chaghlarda mushundaq tetiqsiz nersilerdin bashqa kinodek bir nimilerni az beretti. Men televizorni uchiriwitip keshki tamaqqa aziraq teyerliq qip qoyay dep koktat bir nersilerning qayerdiligini izdewatsam apam keldi, men: siz baldur kepsizghu disem,u: sini oyde yalghuz dep baldur yinip keldim didi. Apam hemir yughardi men koktatlarni adalishp berdim apam mendin:anglisam u qiz bilen heli chiqiship qapsiler eger oyge bashlighidek bolsa bashlap kelgin men bir korup baqay didi, men aran ikki qetim koreshtuq,biraq men u qizni yahshi korup qaldim didim we men qene oyge kilishke unisa bashlap kiliey didim, apam yhahshi korup qalghan bolsang choqum oyge bir ekelgin didi.

Apam uzup tashlap suyqash qilghan idi, uningghiche dadam ikki inim we singlimmu qaytip keldi, akam ishleydighan yeza biraz yiraq bolup bir ayda bir qetim kileleytti. Biz tamaq yep bolup inilirim we singlimning tapshuruqlirigha yardemliship andin etining teyerlighini qilip yetip qaldim,etisi yana ayirdiromning aptowozi bilen etiretke qaytip keldim.

Muhabetning oti hejep kuchlik bolidiken men bu kuchning gheyriti bilen tehimu roxlinip ketken idim, etirettikiler manga sen yeqindin beri bolekchile hoshalghu, birer hizmetning uchuri kep qaldimu ya dep soraytti. U chaghlarda bizning birdin bir oylaydighinimiz yezidin teziraq qutulup birer hizmetke erishish yaki kembaghal diqqanlarning tonushturishi bilen ali mekteplerge berish yeniy “ishchi diqqan esker ali mektep oqughuchisi ” bolush idi,biraq her ikkilisige az digende ikki yil yezida ishlimise bolmaytti.Etiritimizning kuzlik yeghim ishliri bir yerge berip qalghan idi,asasliq ademlerni oy selishqa chiqirip, her kuni digidek kisek quyush bilen aldirash iduq.
Biz kisek quyiwatsaq bizning ashhanida ishleydighan Turdi ustam bizning yenimizgha kilip : ular bugen ettigen bir choshqini soyup choshqa goshida tamaq qiliwatidu didi. Eslide bizning etiritimizde hitay ziyali yashlirimu ( u chaghda yezigha chiniqqili chushken yashlarni ziyali yashlar dep ataytti) bolup ashhanimiz bir bolup, qazanlirimiz ayirim idi, hitaylar ta shu kunge qeder ashhanigha choshqa goshi ishlitipbahmighan idi. Biz bu gepni anglap 20 nechimiz ish tashlap etiret bashlighini izdep berip: Bugen ashhanigha choshqa goshi ekiriptu bugendin bashlap biz tamaq yimeymiz ishqimu chiqmaymiz eger bu mesilini bugen hel qilip bermisengler ete sheherlik hokumetke eriz qilip barimiz diduq, u bizge: Henzuler choshqa goshi yeydu buninggha bizning amalimiz yoq, silerning qazininglar bashqa ashpizingler bashqa tursa heshqandaq tesiri yoq ishqu didi. Biz: Ashhana bir tursa qazan qumushlarning arliship qelishidin saqlanghili bolamdu? choshqa goshning purighi bizning tamaqlargha singmemdu? dep pikirimizde ching turuwilip yatighimizgha kitip dem alduq. Chushlik tamaqqa chiqmiduq, chushtin keyin etirettiki 3-4 etret bashliqliri yataqlargha kep bizni bundaq qilsanglar tesiri yahshi bolmaydu, bu ishni biz muzakire qilimiz siler awal tamaq yengler didi. Biz pikirimizde ching turup bu ishni bugen hel qilmighanda ete sheherge kitidighinimizni yana diduq. Ular chiqip ketti, kechlik tamaq wahtida, yatighimizgha Gongshe inqilawiy komititining ( yeziliq hukimetni shu chaghda mushundaq ataytti)muwawin mudirini bashlap etiret bashliqliri yana keldi ular bizge Gongshedin tamaqmu alghash keptiken, 2-3 saettek talash tartishlar arqiliq ashhanining ottirisigha bir tam soqup ashhanini ikkige bolish pilanigha qoshulduq, etisi keshlik tamaqqiche ashhanining ottirsigha bir tam qopurup ishiklerni bashqa bashqa qilip qoyuptiken.

Mushundaq ishlar bilen kunimiz aldirash otmekte idi, 9-ayning 10 kunigimu bir kun qaldi men ettigen seher turup kisekke lay itip qoydum, ettigen tamaqtin keyin bugenki kunlik normini balduriraq tugitiwitip keshte balduriraq oyge kitip ete Guzelnur bilen kinogha berish ishini oylayttim. Men chushlik demilishtin paydilinip taza he dep kisek quyuwatattim, Etiretning muawin bashlighi qeshimgha kep: Nailjan sen nime qiliwatisen bu yerde? Chataq ish bolghinidin hewersiz? bilemsen Uluq dahimiz Maojushi wapat bop kitiptu chapsan iskilatqa bar hammeylen shu yerge yighilimiz dep uzi yugergen peti iskilatqa qarap ketti.

Men huddi chush korgendek Maojushini Yashusun tumen ming yillar yashusun deydighan, hejep ulep qaptughu dep oylap put qollirim lay peti iskilatqa keldim, bu iskilatning yerimigha ashliq dolengen bolup yerimini yighilip siyasiy ogunish we yighnlarni echishqa ishlitetti. Iskilatqa kirsem radiyodin teziye mozikisi we hitay merkizi komititining uhtirishini anglitiwitiptiken, etiret bashliqi bizni awal radiyoni anglishimizni andin teziye bildiridighinimizni eytti. Radioda tekrar tekrar matem mozikisini we uhturushlarni dawamliq beretti.Birer saet otkendin keyin etiret bashlighi : Biz qatar uchiretke turup Uluq dahimiz Maojushining risimi aldigha kelgende 3 qetim beshimizni igip salam berip matem tutumiz didi. Hemmeylen etiret bashlighining diyishi boyiche qatar sepke turup birisining keynidin birisi mengip risimning aldigha kelgende dongghiyip salam bermekte idi, uchuret Turdi ustamgha kelgende u adem igilip salam bermey ikki qolini kuturup amin dep yuzige yeqip utep kitiwidi etiret bashlighi uning yenigha kilip dongghiyip salam bermise bolmaydighanlighini digen idi Turdi ustam turup: Bizde undaq qayide yoq, adem olgende risimige dongghiyip salam bermeymiz we risiminimu asmaymiz bugen men amalsiz risimge qarap dua qilip qoydum didi. Turdi ustamdin kiyinkilirimiz hemmeylen Turdi ustamgha ohshash dua qilip utep kettuq .Matem tuge tugimey yighi awazliri anglandi qarisam hitaylar he dep yighlawatatti , millilardin Iminahun akidin bashqa adem yighlimighan idi, Iminahun akining 7 balisi bolup etirette 5te kapelet qilish aylisidin bolup,Maojushini uzining dadisidinmu chong biletti. Matem tugugendin keyin etiret bashlighi ete demilish bolmaydighanlighini mushu iskilatta bir kun yighin bolidighanlighini dep yighinni tugetti.

Men ete Guzelnur bilen kino korish ishi yana sugha chilanghanlighidin achchighlap: Esteghpurilla bu qerining baldur olmey ya keyin olmey bugen olginini qarimasen dep ichimdin kotildap, Guzelnurgha yana yaghanchi bolidighan boldum dep ich ichimdin titildayttim,amal yoq bu yerde ya telefon bergili bolmaytti hetni bir saet piyada mingip pochta bar yerge berip salsingiz ikki heptilerde aran tigetti. Etisi iskilatta bir kun yighin boldi, yighinda hemmeylenni Maojushining wapatigha bolghan tesiratimizni sozleshke uyushturdi, bezenliri Maujushining ayat wahtida 4 tomini uqup tugitelmiginimdin bek hijilmen dise, beziliri yighlap turup siz bizning yurigimizde menggu yashaysiz digendek geplerni qilishatti .Shuning bilen bir kunlik yighin ahirlishidighan chaghda etiret bashlighi: Bugen Jonggo helqi uchun eng chong bir qayghuliq kun, mushundaq qayghuliq kunlerdimu beziler ozining milli esiyatini bu chong ishtin ustin qoydi bu ishning choqum surishtisini qilidighanlighini dep yighinni tugetti. Etisidin bashlap Turdi ustamni kisek quyushqa chiqirip Turdi ustamgha yardemchi boliwatqan Iminahun akining chong oghli Semetni tamaq itishqa orunlashturdi, bu bolsa Turdi ustamni milli esiyati kuchluk dep jaza qollanghini idi. Biz nechche kundin keyin tamaq ohshimidi dep tamaq yimey dawa qilghanlighimizdin Turdi ustamni ornigha ekep qoydi.Ariliqtin nechche kun otup etiret bashlighi mini etidin bashlap tok tugminini bashquridighanlighimni uni bashquridighan kishining etirettin kitidighanlighini didi,men etisidin bashlap tok tugminida ishleshke bashlidim.Bu bir salerka matori arqiliq tasmi bilen tok tugminini mangghuzidighan tugmen iken, men ettigende kilip salerka matorni ot aldirip andin tugmenge ulap un tartattim, etiretning unini tartip bolsam yezidikiler un tartqizghili kiletti, hemmeylen digudek kipekni az unni jiq chiqirip berishimni soraytti, dimek un yitishmigeshke un qanche qara chiqsimu unning jiq chiqishini halaytti.
Aldidiki tugmen bashqurghuchi manga tugmen teshini qayta qirdirmisa bolmaydighanlighini digen idi, men etiret bashlighigha tugmenning teshi bek konirap kitiptu un tartqangha bek uzun waqit kitiwatidu didim, u turup: siler bugen 4 taghar un tartip bolup tugmen teshini chiqirip ete sheherge ukuz harwisida berip qirdurip kilinglar, Emetmu sen bilen billi barsun didi, Emet manga yardemchi bolup ishleytti ikkimiz 4 taghar unni kechkiche tartip bolup, tugmen teshini chiqirip etisi sheherge berishqa teyarlap qoyduq. Men bek hoshal idim chunki Guzelnur bilen korishish pursiti bar idi.

Emet ikkimiz seher turup ikki tugmen teshini ukuz harwisigha besip yolgha chiqtuq, ashhanimizdin aziraq nan we chay qaynitidighan chogunmu awalghan iduq, sheherge 4 saette aran keptimiz, biz marmaqchi bolghan zaot Guzelnurlarning zaotigha anche yiraq emes idi, men Emetke tugmen teshini kirdirishqa uzun waqit kitidu, biz awal sozliship qirishni bashlighandin keyin sen shu yerde qarap tur men Guzelnur bilen koriship kiley dep ikkimiz sozleshkesh zaotqa kirduq . Tugmen teshini qiridighan istanokka mesul ademni taptuq , u turup: Bugen bolmaydu mining wahtim yoq ete kilinglar didi, men: biz yiraqtin kelduq bugen tugitip ketmisek bolmaydu bir amal qilip bersingiz dep turuwalduq, u turupkitip silerning qolinglardin laychiliq kilemdu dep soridi , men: Biz shuning ustisi siz istanokni qandaq oynatsingiz biz laychiliqni shundaq oynitimiz dep po itip qoydim, u: undaq bolsa men bugen oyemde kumur qoyidighan bir kichik oy salmaqchi idim eger siler mining ishimni qiliship bersengler men silerning tugmen teshinglarni qirip berey didi, biraq buning ishini qilishsaq Guzelnur bilen korishelmeydighinimdin ensireyttim, amalsiz biz shundaq kiliship u kishining oyige barduq, u bizge oyning qanchiliq bolidighanlighini we kisek topa emmisining teyyar ikenligini korsitip berip zaotqa qayta ketti.Biz uning korsitip berginidek uning komur qoyidighan oyini selishqa bashliduq, u kishi bir hepte burun tamning asasini (pomtamit) turghizip qoyiptiken, biz birsimiz lay itip bisimiz kiseklerni yeqiniraq yerge yotkiduq andin Emet lay bilen kisekni manga yetkuzip turdi men tam qopurishni bashlidim, biz hesh-pesh digiche oyning yerim temini qopirip bolghan iduq, bir kemde u kishi zaottin qaytip kep qopirilghan tamni korup: Siler rasla laychiliqni oynitidikensilerghu bu oymu putip qalay deptu dep bizge derize we ishikning ramini ekilip berdi biz ishik we derizining ornini tashlap qoyghan iduq, U kishi turup: bir teshinglar tugidi emdi yana birsini istanokka bikitip qoyup keldim, bu tashta qandaqmu un tartip yurdinglar chishi peqetla qalmaptu digesh bizge oyidin chay miwe birnersilerni ekilip berip: Men zaotqa berip istanokka qarap kiley dep ketti, Biz u kishi zaottin tugmen teshini puturup kelgiche oyning tot temini qopirip bolghan iduq.U kishi: Siler qaltis ish qilidikensiler birdemde tugitipsiler, rehmet silerge rehmet dep bizge hozurhanliq eytti. Biz u kishigimu rehmet eytip zaottin tugmen teshini elip saetni sorisaq chushtin keyin 5tin eshiptiken, Guzelnur adette 6 da ishtin chushetti, yana ulgiridikenmiz dep ukuz harwini eydep Guzelnurning zaotigha kelduq. Eliqi qeri boway yana ishik beqip otturiptu, men asta uning yenigha berip: Yahshimusiz tagha, diyishimge u mini tuniwilip: He sen ikensenghu yana Guzelnurni izdep keldingmu? Men turup: e shundaq hapa bolmay chaqirip qoysingiz biz yiraqtin kelgen iduq didim, u turup: Hey sining ishing yoq nimumu? xeq bu yerde ishlewatsa, men chaqirip qoyalmaymen bilemsen heqning emmisi qayghuluq kunlerni teste otkiziwatsa dep yana bir nimilerni dep kotildap ketti, u sol biligige qara lata taqiwalghan iken( Hitaylar yeqin tuqqanliri olgende shundaq lata taqaydiken) men qara latini korep Maojushining tugep ketkenligi isimgha keldi. Bu qerining Guzelnurni chaqirip bermeydighanlighigha kuzem yitip ukiz harwini zaot derwazisidin yiriaghiraq yerge tohtitip Guzelnurning ishtin chushishini saqliduq. Bir az waqittin keyin ishchilar ishtin chushishke bashlidi, ahiri Guzelnurmu zaottin chiqti u kok yopka bilen kul reng kopta kiyiwaptu chechini burunqidek qoyuwetmey ustige chigiwalghan iken ,uninggha qandaq kiyim bolsimu shundaq yarishatti.U bizning turghinimizni korup biz terepke keldi men : Yahshimusiz ? 10 chisila men kilelmey qaldim kechuring didim, u turup: heshqisi yoq bu yerdimu Maojushigha teziye bildurimiz dep nechche kun haware bolduq,hazirmu her hil paaliyetler bilen aldirash didi, we ukiz harwining yenida turghan Emetke salam berdi, me: bu yaq Emet bolidu bu yil yingidin chiniqishqa chushken dep Emetni tonushturip qoydum, Guzelnur turup: ukiz harwa bilen yuripsilerghu bugen kitemsiler dep sorighash bizning ustibeshimizge bir qur qarap qoydi, men ish bilen kelgenligimizni we hazir qaytidighanlighimizni didim we budaqi demilishta qaytip kilidighinimni eyttim, u: Undaq bolsa siler minginglar yiraq yol ukiz harwa bilen barghiche uzun waqit kitidu dep bizge we ukiz harwigha qarap kulip qoydi. Biz Guzelnur bilen hoshliship yolgha chiqtuq. Yolda Emet manga: Qaltis qiz ikenghu bu , kino ertisi bolsa bolghidek, ishchiliq bu qizgha yarashmaptu didi, men: Ishchi bolghinigha huda ushkire,ishchi turughluq korishish tes bowatidu eger kino ertisi bop qalsa uning bilen korishimen dep nelerde yurermen didim, Emet derhah: u chaghda korishkili barmay kinolarda korsengla bolmidimu dep chaqchaq qildi.Biz ettigen chay ishken peti chushte aziraq miwe yigendin bashqa bir nerse yimigen iduq qosaq bek ichip ketti, oyge berishqa wahtimiz yoq idi, ashhanidin tamaq yiyishke yanchuqning kari chaghliq , biz yolda harwini tohtitip awaghan choginimizde chay qaynitip nan bilen chay ichip qosaqni toyghuzup qarangghu chuship ketken bir chaghda aran etiretke kelduq.

Etisi tugmen teshini ornigha jaylashturup un tartqan iduq heqiqetenmu unni tez tartqili bolidiken. Biz mushundaq ettigendin keshkiche un tartip, keshlerde siyasi ogunishlerni qilip kun otkuettuq. Budaqi bizning demilish kunimiz 20 kunde aran keldi, biz nechcheylen etiretning sheherge ish bilen barmaqchi bolghan 28 at kuchige ige terekturining keynige chatqan harwisigha chiqiwilip oyge yinip keldim. U chaghlarda hemme yerde Maojushining risimi we sozliri yezilghan taqtilar,oyning tamlirighiche qizil reng bilen her hil inqilawiy shoarlar yezilghan bolup putun sheher qizil reng bilen boyalghandekla idi. Maojushi olgendin keyin bir mezgil Kinohanilarda we tilivizorda kino we senet nomurini qoyush cheklengen iken. Men etisi yana ettigende Guzelnurning ishke chushishidin burun berip eliqi derehning tuwide uni saqlidim, yerim saet otkendin keyin uning oyi tereptin kewatqinini kordum, men derehning keynige mukiwilip, u manga yeqinliship kelgende derehning keynidin ushtumtut chiqip: Jan kerekmu? pulmu dep waqirap uning aldigha kelgenttim, u ushtumtut bolghashqa qattiq qorqip ketti, yuzliri tatirip kitip birdemdin keyin: Ademni mushunchilikmu qoqitamsiz yurigim tas qaldi chiqip ketkili didi, men hapa bolmang sizni munchiwala qoqup kitidu dep oylimaptikenmen didim, birdemdin keyin u: Tunigin yenip kepsizde didi , men: shundaq tunugun yinip kelgen idim, uzingiz yahshi turuwatamsiz? Bille kino koreyli digen idim u qerining kasapitida kinomu qoymaydiken, bugen keshte yana derya boyida koreshsek qandaq? disem, u etirepigha bir qarawitip: hergiz undaq geplerni dimeng, Maojushi bolmisa bizning bugenki kunimiz barmidi? Sizning iydiyingizda mesile bar iken didi, men : shundaq mining iydiyemde mesile jiq shunglashqa siz bilen parangliship mesilini hel qilay dewatimen wahtingiz barmu? diwidim u: turup kitip: undaq bolsa shundaq bolsun men saet 7 bilen otkendiki asma korikning yenigha barimen didi, biz hoshliship u ishqa kirip ketti men welsipit bilen oyge yinip keldim.

Keshte biz asma korikning yenida uchurashtuq, u bugen ettigen ishqa mangghanda kiygen kiyimini kiyiwaptu, kulreng shim bilen aq kopta kiyip boynida qara yaghlighi bar idi, biz salamliship bop yana eliqi tash etip oynighan derya boyigha kelduq, men uninggha :Guzelnur sizni bek seghindim, uhlisam qopsam sizni oylaymen, men sizni yahshi korimen didim, u biraz mining chirayimgha qarap turup kitip: Yalghan gep qilmang, sizning mini yahshi koridighiningizgha men ishenmeymen, men sizni deslep korgende heli uchuq tuz bala deptikenmen biraq bugenki gepliringizgha qarighanda sizning iydiyingizde mesile bar iken Maojushigha til tekkiziwatisiz, bilemsiz Maojushini Jonggo helqila emes putun dunya helqi yahshi koridu, u putun Jonggo helqi we dunya helqining nijat yultizi dep qizirip yana bir munche komunist partiyeni medihileydighan geplerni qildi.Men Guzelnurgha: biz aran koreshtuq bundaq geplerni qilmayli oz gipimizni qilsaq bolmamdu diwidim, u: ozimizning gipi digen nime? aldi bilen kozqarishimizni aydinglashturmisaq chong hataliq otkizimiz dep manga yana bizning etiritimizde bolidighan siyasi geplerdin bir taghani dep aran qutilghan siyasi ogunishni yana bashliwetti. Amalsiz geplirini anglap bop emdi men sozlisem bolamdu disem meylingiz uzingizde didi, men turup : Guzelnur sizning bayattin digen gepliringizni biz her kuni anglaymiz bu geplerni tola anglap zerikip kettim biz bashqa gep qilsaq bolmamdu, bolmisa sugha tash atayli didim, u kulip kitip: manggha wede bering eliqindaq geplerni qilmaymen dep didi, men bolidu dep: eliqindaq geplerni Guzelnur hanimning aldida ergiz qilmaydighanlighim uchun qesem ichimen disem, bashqilarning aldidimu dimeymen deysiz dep turuwaldi men bolidu dep qesem ichtim.

Men Guzelnurning kichik wahtidin tartip mushundaq kizil iydiyede chong bolghanlighini,uning ustige dadisi ishchi bolup u chaghlarda ishchilarning abiroyini tiklep ziyalilarni basidighan dewir bolghashqa, partiye Maojushi digendin bashqa terbiye bolmighashqa bu iydiyining uningda chongqurlighini, uning bilen bu toghurliq gep qilsam uning bilen qiziriship qelishimni oylap gepni bashqigha yotkep keyin az-azdin millitimiz toghurliq bilidighanlirimni dimekchi boldum. Menmu Guzelnurgha ohshash terbiyide osken bolsammu biraq Guzelnurgha qarighanda men jiq ishlarni korgen we anglighan idim.Toqiz yash wahtimda Dadam bilen apamni uzun qalpaq kiygizip urup oydin elip ketkenligini untiyalmayttim, men uchun ata anidin artuq heshqandaq nerse yoq idi, Dadam bilen apamdin tarih heqqide jiq geplerni anglighan idim, keyin Qasim aka bilen tonushup u ademdin kop nersilerni ogendim,shunglashqa Guzelnur bilen iydiyimizda chong periq bar idi. Uning chirayida mendin hapilighi chiqip turatti men uning yenigha kilip qapighingizda bir nerse turudu iliwitey, kozingizni yumup turing diwidim u kuzuni yumishigha aghzidin chok qilip birni suyuwaldim, U derhal:eski dep mini qoghlap ketti, men qachtim u mini qoghlawitip puti teyilip yiqilip chushti, men uning yenigha kelip uning qolini tarttim u ning yuzi qizirip ketken bolup soghoq qolliri titirigendek bolatti we manga siz : bek eski ikensiz dep kuldi,men uning qolidin tartip uni turghuzip qattiq quchaghlap baghrimgha bastim, umu qarshiliq bildurmey ozini mining ihtiyarimgha qoyuwetken idi. Men tunji qetim qizlarni quchaghlighan idim, uning ikki kokirigi huddi purjinidek men quchaghlighansiri mini teshigha tipetti, uning bedinidiki tebiyi puraqni isil Firansiyening etirlirige teng qilghili bolmaytti, he muhabet sen nimu digen tatliq we nimu digen guzel deyttim ichimdin, her ikkimizning yurigimiz qattiq soqatti biz uzundin uzunghiche quchaghliship issip telepmu kitiptimiz, men birkemde uning aghzini soydim u tilini ergiz bermeytti birdemdin keyin men tilimni uning aghzigha salghan idim u huddi tok soqqandek titirep ketti we birdemdin keyin mining quchighimdin ozini elip qechip manga : nimu qiliq qiwatisiz siz eski didi, uning eski digen gepliri manga bek bekmu yeqimliq anglinatti, shu chaghlarda bu bichare aq kongul tuz qiz ademning tebiyi soyishishinimu bilmeytti.

(Dawami Bar)