Weten

Sultan Maxmut Qeshqeri

Qismitingmu wetinim cekmek pighan, ah-zar sanga,
Bu payansiz keng jahan nimance zix we tar sanga.

Ciqmidi héc sen ücün kökte quyash külümsirep,
Acmidi keng baghrini jewlan qilip gülzar sanga.

Pütülüp qalghanmikin yaki pishanengge tangey,
Qilce rahet we paraghetsiz azap, dishwar sanga.

Sen ücün nime ücün kelmeydu gülzar new bahar,
Toxtimay yéghiwéremdu künde yamghur, qar sanga.

Shum kasapet nes qaraqci eylixip bulang-talang,
Buni yardem körsitip qalmaqta hem iz’har sanga.

Put-qolung’gha yamiship alghan ilandek cirmiship,
Bu jahanning rodipay alwastisi mekkar sanga.

Bayliqingda, qaymiqingda rodipayning közliri,
Bolmighanda munce bayliq héc emes xushtar sanga.

Sen nimanqe shor pishane yoq jigerlik qoldushung,
Yer yüzidin aqsut ciqmasmu yölek yar sanga.

Ciqqinida cin kongüldin yar-yölek bir pehliwan,
Shu japakesh helqimiz bolghayki minnetder anga.

Qutulup sirliq yügendin hörliking kelse eger,
Sür’itingge yétishelmes kücisimu tulpar sanga.

Bu jahan sehnisidin sepdashliring aldi orun,
Almisang senmu yéringni cong nomus we ar sanga.

Yétiship ciqmaqta batur qiz-yigit oghlanliring,
Xuddi Sadir we Ghenidek qance pidakar sanga.

Sanga héc kérek emes eti ulugh muxtariyet,
Istiqlal we höriyet bolsun coqum shoar sanga.

1996-yil May, Enqere-Türkiye