Khedir kichisining Peziliti

Bismillahir Rehmanir Rehim,

Hormetlik kherindashlar, Bugun Ramizanning ahirkhi 10 kun ichidiki 27-kun. (belkim Qedir kechisi bolishi mumkin) Silerni, bizni bashkha mehlukhatlardin "Ekhil" digen nemet bilen evzel, hormetlik ve perikhlikh khilghan, ve bizge kopligen peziletlerni ata khilghan bizni yaratkhuchi Allahkha ibadet khilishkha tevsiye khilimen. Chunki biz Allahning aldigha barimiz ve hesab berimiz chunki Allah bizni bu dunyagha helipe(orunbasar) bolushkha yaratkhan. ( Helipilik toghurlukh Quranning Beqere surisining 30-34 ayetliride koreleysiz) Bu dunyadiki her bir nerse biz insanlarning paydilinishigha yaritilghan. Bu nimetlerge hem shukri khilish uchun Allahkha ibadet khilishimiz kerek. Allah imaninglarni kucheytip bugun kechidiki ibaditinglarni ve yahshi dualiringlarni khobul khilsun!Amin

Hormet bilen: Hejje Yemlibike

" Biz Quranni hekhikheten Shebi Qedride nazil khikdukh. Shebi Qedirning nime ikenlikini bilemsen? Shebi Qedri( Sherep ve Pezilette) ming aydin artukhtur. Perishtiler ve Jebrail shu kichide perverdigarining emri bilen,( zimingha Allah tekhdir khilghan) barlikh ish uchun chushidu. Shu keche tang yorighangha kheder putunley tinich- amanlikhtin ibarettur". (Qedir Surisi)

Bu surining chushush sevebi mundakh rivayet khilinidu: Bir kuni Peyghembirimiz Beni Israildin bolghan, ming ay Allah yolida khoral koturgen bir kishi toghrisida sozlep bergende, Sahabiler bu kishidin khattikh tesirlinip ozlirimu shundakh bolishni arzu khilishkhan idi. Allah taalla peyghembirige ummitining omrini bildurdi. Peyghembirimiz ummitining omrining khiskhilighini korup oz ummitining helikhi kishidek Mujahid ve ilgirki zamanlardiki kishilerdek uzun muddet Allahkha ibadet khilidighan bendilerdin bolalmay khelishidin ensirgende, Allah peyghembirini hormetlep bu sure kerimni ( yeni Qedir surisini) chushurup, bu mubarek kechide ibadet khilghanlikhni 1000 ay ibadet khilghanlikhtin evzel khilghanlikhidin hever berdi. Hezriti Muhemmed Eleyhisalamning ummitidin kimki bu kechide uhlimay ibadet khilsa 1000 ay Allah yolida khoral koturgen ademdinmu artukh ejir savapkha erishidighanlikhini bildurdi. Mana bu Allahtaallahning pezli, halighan kishige beridu, Allahtaallahning pezli keng, ilmi payansizdur. Halighan kishini rehmitige has khilidu. Allah taallah katta pezilet igisidur.

Bu mubarek kiche " Qedir kechisi" dep ataldi. Chunki bu kechide khedirlik Peyghemberge, khedirlik ummetke, khedirlik kitab" Qurankerim" chushken keche.
Qedir kechisi Allahning hozurida khanchilik khedirlik keche ikenlikini bilemsen?

 
1. Qedir kechisi uhlimay ibadet khilghan kishi 1000 ay ibadet khilghandin evzel.

2. Perishtiler asmandin chushup mominler bilen bille ibadet khilip her bir Allahni zikri khilip olturghan ve turghan bendige salametlik tileydu.

 
3. Quran kerim nazil bolghan.

Ih musulmanlar mana bu Qedir kichisining Allah hozuridiki sheripi. U kichide gunahliridin tevbe khilip Allahkha yuzlengen kishige mubarek bolsun! U kichide kozini Allah haram khilghan nersilerdin evkhachkhanlargha mubarek bolsun! khulakhlirini Allah haram khilghan nersilerni anglashtin sakhlighan kishige mubarek bolsun! Tilini yalghan sozleshtin, gheyvet khilishtin, gep toshushtin ve set gep khilishtin sakhlighanlargha mubarek bolsun! Oz igisining aldida khorukhkhan, bash egken halda turup" Ih tuzuguchi, ruslighuchi zat! rehmiting bilen khutkhuzushungni tileymen. Mening hemme ishimni toghirlighin. kozumni yumup achkhuche bolghan arlikhtimu ozemni ozemge tashlivetmigin" dep munajet khilghan kishige mubarek bolsun! Her khandakh kishi mushu dua bilen dua khilidiken Allah u kishining duasini ijabet khilidu ve otken-kechken gunahlirini kechurum khilidu.

Zakati pitir khul-hor, er-ayal, chong-kichik bolsun musulmanlarning hemmisige periz khildi. Kimki uni heyt namizidin ilgiri ada khilsa u khobul bolghan zakattur. Heyt namizidin keyin ada khilsa sedikhidur. Peyghembirimiz mundakh deydu: Zakati pitir ada khilinmisa, tutulghan roza asman bilen zimin ottursida esikhlikh turidu.

Qedir kechisining alametliri: Qedir kechisining etiginide khuyash sholisiz chikhidu, Qedir kechiside asman tip-tinich, sup-suzuk bolidu, hava issikhmu emes soghukhmu emes normal bolidu. ( hedislerdin) Peyghembirimizdin rivayet khilinghan bir hediste mundakh diyilgen" Qedir kechiside yer yuzige tarkhitildighan perishtilerning sani ushshakh tashlarning sanidinmu kop bolidu. (Jume hutbiliri toplimi, Roza ehkamliri ve khaide tertibliri digen kitaplardin khiskhartilip elindi)