Canadadin Bir Parche Het
Author Dr. Birlik

Eziz Qerindashlirimgha Canadadin Bir parche Het (1)

Jenimdin eziz Uyghur qerindashlirim, ush bu hetni yezishni uzundin beri oylawatqan bolsammu waqit we purset munasiwiti bilen hesh bir qolumgha qelem ilish pursiti bolmidi. Bugen bir kunlik hizmetni ahirlashturup yana adettiki aditim boyiche internetni ichip aldi bilen helqara hewerlirini korup andin Uyghur tor betlirige kirdim, mushu internette hewerlishish yolgha qoyulup biz Uyghurlarmu anche munche oz ara alaqe qilishidighan waqitlardin bashlap ( 1993 –yilliri bolishi mumkun) ta hazirghiche bu sorunlarda boliwatqan eng jiq munazireler oz-ara bir-birimizni tillash , bir- birimizni chushurush hetta adettimu tilgha elishqa bolmaydighan meynet tillar bilen bir-birimizni haqaretleshtek Uyghur millitimizge uyghun kelmeydighan hadisiler sadir bolup kelmekte.
Eziz qerindashlirim shuni eniq bilishimiz kerekki gerche siz namingizni ishletmey bu meydanda nimu disem kim bilidu dep qalaymiqan sozliginingiz bilen siz Uyghur tilida yazghiningiz uchun sizni herqandaq bir adem Uyghur iken dep chushunidu,eger bediningizdiki qanning Uyghur qeni ikenligini itirap qilsingiz yazghan her bir sozingizge Uyghur millitingiz uchun jawapker bolup oylap yazsingiz bolidu. Bu meydan sizning ikki eghiyningiz bilen billi paranglishidighan yaki muhabitingiz bilen kongil ish pushighini chiqiridighan yaki bireylen bilen urushup qalsingiz achighingizda tillap salidighan jay emes, bu bolsa putun dunyadiki herqandaq adem koreleydighan we pikir yurgizeleydighan hazirqi dunya tereqiyatining insanlargha beghishlighan oz-ara alaqe qilish,oz are ogunish we pikir birligini emelge ashurishtiki eng qolayliq wastidur.
Bolupmu bizdek qol- putini yipsiz baghlap qoyghan oz wetinige we erkinlikke teshna millet uchun nimu digen qolayliq purset,nimu digen qolayliq sharayet bu!!!

Eziz Qerindashlirimgha Canadadin Bir parche Het (2)

Qedirlik qerindashlirim, mushundaq bir qolayliq sharayettin paydilanmay, quruq gep qilishning nimu paydisi? bir birimizni haqaretleshning kimge paydisi bar? Eger bu yazghanlirimizni bashqa miletler korse Uyghur digen mushundaq heq ikende dep putun Uyghur namimizni bulghaymiz, bu yazghanlirimizni yashlirimiz yaki yash osmurlirimiz korse nimu der? Bezenliri chonglar mushundaq iken bizmu shundaq qilmisaq bolmas diyishi mumkun, bezenliri bizdin umutsizlinip bashqa milletni bashqa dinni halaydighan bolup qelishi mumkun, bu qarimaqqa bir addi ishtek turghuni bilen tesirini tesewir qilishqa bolmaydighan mesililerni kelturup chiqishi mumkun. Her qetim bu meydanlargha kirginimde biz qachanghiche mushundaq utermiz dep oylaymen, bezi bir qerindashlirimizning yeziwatqan sozliridin nomusum kilidu.Bizning hazirqi sharayitimiz, millitimizning wetendiki kuni,dunyadiki ornimiz, bizni mushundaq qilishimizge qandaqmu yol qoysun.
Alla taale biz insanlarni ohshash yaratqan,bir-birimizdin artuq yaki kam yerlirimiz yoq, Alla taale yaritishim mendin bundin keyinki yaritilishing uzengdin deydu, bizning ata-bowilirimiz heshqandaq heqtin qalmay, etta heqning aldida yashap kelgen idi, elmusaqtin tartip ta yiqinqi zamanlarghiche tarihta qudiret qazinip ochmes izlirimiz qalghan idi, Hitaylar dunyada ay sharida turup korgili bolidighan yer sharidiki insaniyet salghan birdin bir qurlush sedichin sepilini biz hitaylar salghan dep mahtinidighan ashu sedichin sepilini bizning ata-bowilirimizn qurghan hon dolitidin qorqup mudapiye qilish uchun salghan idi, ane mushuninggha ohshash shanliq tarihlarni yaratqan Uyghur oghlanliri bugunki kunde heqni qorqutush bu yaqta tursun oz wetinimizge oz millitimizge oz tilimizge ige bolalmaydighan, heqning kozige qarap ish qilidighan hitaylarning quligha aylinip qalduq. Bu nimu uchun? Oylap koreyli qerindashlirim!!!

Eziz Qerindashlirimgha Canadadin Bir Parche Het (3)

Suyumlik qerindashlirim, Uyghurda kam nerse intayin jiq ,buning ichide bizge nispeten eng muhim kam nerse nimu disingiz MILLET GHORORIdur, bir millette millet ghorori bolmisa u millet bu yersharida yoq isapta bolidu. Hazirqi bir-birimizni chishlep tartip yurginimizmu millet ghororimizning ajizlighining bir emily ispatidur.Nimu uchun milet ghorotini bizdiki muhim kam nerse deysiz ? diyishingiz mumkun, millet ghorori diginimiz bir milletning ana yurtigha,ana tiligha, millitige ,dinige,mediniyet horpi-adetlirige,tarihigha bolghan qeksiz soygu muhabiti arqiliq shekillinidighan bir hil insanlarde bolidighan jasaret rohtur,mana mushundaq jasaret roh bolghandila adem yer sharidin ibaret bu topiraqta erkin azede yashiyalaydu.
Komunis hitay wetinimizge tajawuz qilip kirgendin berki 55 yil ichide bizning millet ghororimizni jiq ajizlashturuwetti, hitay chong milletchiligini yolgha qoyup, Uyghur millitimu hitay millitining bir qisimi ikenligini tohtimay teshwiq qilip bizni til, din, mediniyet, tarih we ana yurtqa bolghan soygu jehetlerdin ajizlashturup Uyghur millitini yer sharidin pap-pakiz qurutushqa urunup kelmekte.Bashlanghuch mekteptin bashlap komunist hitay partiyisining Uyghur millitining nijat yultizi ikenligini,Zhonghua heliq jumhuriti bizning uluq wetinimiz ikenligini,zhonghua helqining 5ming yilliq shanliq tarihi bar ikenligininila teshwiq qilip we mejburi ogutup Uyghurning mediniyiti horpe adatliri tarihi qatarliqlardin qilche eghiz ashmay etta turuk milletliri bilen qandash munasiwitimiznimu qilche eghizgha almay sen Uyghur sen Qazaq dep arimizgha ot yeqip helqimizni bisim bilen ozining gipini anglaydighan quli qilip kelmekte.
Mana mushundaq yoqurqidek ehwallardin yirkinip oz millet ghororimizni qaytidin tiklesh uchun ana yurtimizni tashlap yaqa yurtlarda ming japada tiriship bilim ilip, jahanning erqaysi jaylirida yashawatimiz, kunimiz mushundaq turughluq yana bir-birimizning origini kolap yursek bizni Alla taale qandaqmu kechursun.

Eziz Qerindashlirimgha Canadadin Bir Parche Het (4)

Hormetlik qerindashlirim,bizde mana mushundaq millet ghororidin ibaret jasaret roh bolghandila andin Uyghur uchun jan koydurishni,bir-birimizni hormetleshni,bashqalar aldida yuzumizni chushirmeslikni, bir-birimizni kechurishni bilimiz. Millet ghororini kucheytish bilen bir waqitta ittipaqlishish birlishish hazirqi helqaraliq muhitta biz uchun kam bolsa bolmaydighan yana bir muhim halqidur.
Bizning tarihi dewirlirimiz we jughrapiyelik ornimiz biz Uyghurlarning idiyisige,turmushigha dinni kozqarishigha ,mediniyitige we tilige chong tesirlerni korsitip kelmekte,shu seweptin bizde ohshash bolmighan iydiye we ohshash bolmighan kozqarash barliqqa keldi we barliqqa kelmekte.Hazirqi zaman Uyghurlirini men towendikidek besh hil bolekke bolup tehlil qilishni layiq kordim. Bu bolsa Qizil pachq Uyghurlar, Sukittiki Uyghurlar, Talip uyghurlar,Kapir Uyghurlar we Dimukiratik Uyghurlardin ibaret.Towende bu besh hil turdiki Uyghurlargha qisqiche izahet berip otmekchimen.
Qizil pachaq Uyghurlar - Dunya tarihining tereqiyatigha eghir tosqunliq we buzghunchiliq salghan atalmish komunizim tughuning dahiliri Markis we Engilis otturigha qoyghan sotsializim we komunizim idiyisi Lenin we Stalinning bashchilighidiki qizil pachaq Ros komunisliri terepidin emilileshturush basquchigha kirishi we shuningdek Ros qizil pachaqlirining kingiyishi bilen doramchi Hitay qizil pachaqlirining yitekchisi Maozidongning hemkarlishishi bilen Ros we Hitaydin ibaret chong komunist birlik sepi tuzulip wetinimiz bu ikki qizil pachaqlar birlik sepining qattiq tesirige uchuridi . Ros we Hitay qizil pachaqlirining tesiride Uyghurlarghimu bu iydiye singip Uyghur qizil pachaqliri barliqqa keldi. Bularning kop qisimi hazir wetinimizde yoquri we ottira derijilik Hitay komunist organliri we Hitay dolet organlirida emel tutmaqta, beziliri hitayning ghalchisi bolup Uyghur millitini iziwatidu, kop qisimi amalsiz turmushning ghemida mejburi ishlawatidu,bularning ichide az sandiki Uyghurlar komunist iydiyisini ihtiyari qobul qilghan bolishi mumkun, likin kop sandiki Uyghurlar besim astida bu iydiyini shekillendurgen shunglashqa bu iydiyining millitimizge bolghan yiltizi anche chungqur emes,huddi Qazaqistan Ozbekistandiki Ros qizil pachaqliri bir kundila komunizimdin tiniwalghandek bizgimu musteqqilliqning sayisi korunishi bilen bu qizil pachaq Uyghurlar derhal oz millitige qaytishida gep yoq, Uning ustige hazir Hitay qizil pachaqlirining chong dadisi 70 yashqa kire kirmey yuqumliq rak kisili bilen alemdin otti ukilirimu yuqumlinip bir birdin tuguship aran Shimali Koriye Vetnam we Kubadin ibaret 3 ukisila qaldi, Hitay qizil pachighimu rak kisili bilen yuqumlinip jan talishish aldida turmaqta,shuning uchun bu qizil pachaq Uyghurlardin kechishke bolmaydu.

Eziz Qerindashlirimgha Canadadin Bir Parche Het (5)

Izetlik qerindashlirim, hetimni oqughanliringizgha we righbetlendurishingizlargha kop rehmet .
Hetimning dawamini besh hil Uyghurning ichidiki sukittiki Uyghurlardin bashlaymen.
Sukittiki Uyghurlar – Bu hilgha kiridighan Uyghurlar Uyghur millitining mutleq kop qisimini teshkil qilidu, we mutleq kop qisimi wetinimizde yashaydu.Qizil pachaq komunist Hitaylar wetinimizge tajawuzchiliq qilip kirgendin keyin deslepte kiriwaghiche Uyghurlargha yahshi chaq bolup yuzeki yardemlerni qilip,Uyghurlargha aldamchiliq siyasetlirini yurgizdi, bir mezgil otkendin keyin eptiweshirini ashkarlashqa bashlidi.Aldi bilen milli armiyining Ofiser jengchilirini musteqqil milli qoshun bolup turushidin endishe qilip her hil usullarni qollinip adem sanini teddiriji halda azaytishqa bashlidi,birnechche yildin keyinla terorist siyasitini yurguzip atalmish ichilip sayrash,ongchilargha qarshi turush ,birni urup uchke qarshi turush,mediniyet inqilawi,Sevitpereslerge qarshi turushtek heriketlerni yurguzip,rezil ademning qelpidin chiqqan herhil jaza tedbirlirini qollinip, 1944-yili qurulghan Sherqi Turkistan Jumhuritidin buyanqi millitimiz ichidi yitiship chiqqan dangliq ofiser jengchilirimizni, ziyalilirimizni, tehnik hadimlirimizni,dinni zatlirimizni her hil bana boptanlarni chaplap suyqest qilip turmilerge tashlidi we olturdi, bu ishlar hazirghiche dawam qilip kelmekte. Mana mushundaq terorist heriketliri bilen helqimizning yurigini mijip issiyan koturishke juret qilalmaydighan ehwalgha chushurup qoyushni pilan qilip kelmekte.Shuning bilen bir waqitta ishkiridin turkimlep kochmenlerni yotkep chiqip wetinimizdiki hitay sanini kopeytip we tilimizni yezighimizni ishlitishke yol qoymay bizni atmiliyetsiye qilip tugutishni pilan qilmaqta.
Shunglashqa weten ichidiki heliqlirimiz qizil pachaq komunist terorchilirining qattiq siyasi we ihtsadi bisimining astida sukitte yashashtin bashqa amali qalmaywatidu. Biraq qeyser helqimiz sukit ichide yashisimu oz ana tilini, oz muqqedes dinini,oz mediniyet horpi adetlirini heshqachan tashlimay herhil taqabil usullirini qollinip millitimiz uchun ghayet zor tirishchanliqlarni korsetmekte.Bu hildiki Uyghurlar bizning eng asasliq kuchimiz bolup, musteqqilliq kurishining oti tutushishi bilen ghayet zor tosqili bolmaydighan kuchke aylinidu,shunglashqa sukittiki Uyghurlardin hergizmu kichalmaymiz.

Eziz Qerindashlirimgha Canadadin Bir Parche Het (6)

Mehirban qerindashlirim, hetimni oqughanliringizgha we righbetlendurishingizlargha kop rehmet .Hetimning dawamini besh hil Uyghurning ichidiki Talip Uyghurlardin bashlaymen.
Talip Uyghurlar- 800 nechche yilning aldida biz ishinip kelgen Saman,Budda qatarliq dinlardin kechip uluq slam dinini qobul qilip ta hazirghiche dawamlashturuwatimiz. Kiyinki zamanlarda Ros we hitaydin ibaret komunist doletlirining wetinimizge bolghan tesiringing kingiyishi bolupmu Hitay komunisliri kirgendin kiyin dinsizlik idiyisini teshwiq qilip,dinni jehettin kemsitish we buzghunchiliq qilishi bilen slam dinnining millitimizge bolghan tesirimu suslishishqa bashlidi, likin slam dini bizning turmush mediniyet horpe adetlirimizge chungqur singgenligi uchun suslashqan teghdirdimu yana omum yuzlik slam dinige itiqat qilip kelmektimiz.
Bir qisim Uyghurlar bundaq dinni kemsitishke we buzghunchiliqlargha chidimay Erep elliri Paris elliri we pakistangha chiqip kitip slam dini arqiliq hitaydin wetinimizni azat qilish yollirini tallidi, weten ichidimu bu yol arqiliq kureshler ilip bardi bu hildiki Uyghurlarni men Talip Uyghurlar dep atidim.Bu talip Uyghurliri dinni etiqati kuchlik bolup wetinige nisbeten cheksiz muhabetke we jenini weten uchun ayimaydighan jasaret rohqa igidur. Likin bu hildiki Uyghurlar peqetla slam dini arqiliq yeni quralliq hitay bilen elishishni oylap helqaraliq hazirqi muhitni anche oylushup kitelmeywatidu. Mesilen Barin weqesini qozghap tuhumni tashqa urup,emdi yitishiwatqan kuchlirini bir kunning ichide halaketke uchiratti. Abghanstanda talibanlar hokumranliq qilip turghan mezgilllerde, quralliq sep qurup hitayni quralliq kuresh arqiliq wetinimizdin qoghlap chiqirishni oylighan bolsimu Amerikining miltighi astida jiq qurbanlarni berip bir qisimi Amerika turmiside yatmaqta. Bu meghlubiyetlerning kilip chiqishi hazirqi dunyani toluq chushunip ketmigenliktin bolghan bir achiq sawaqtur. Biz slam dini bolghashqa Erepliklerni chong bilimiz likin oylap koreyli Dunyada 22 Erep doliti bar turughluq Pelistinliqlar ta hazirghiche musteqqilliq alalmaywatidu,22 Erep doliti Palastindin ibaret oz qerindishigha yardem qilmighan turughluq tarihta ularning ustidin ukumranliq qilghan bizge yardem qilamdu?Talibanlar bilen birliship ish qilmaqchi bolghanda Talibanlarning Hitay bilen til birikturup ulardin qural yaraq ihtsady yardemlerni alghinini bilemsizler? Qanchilighan qerindashlirimizni ishenche baghlap kelgen Pakistan,Qazaqstan,Qirghistanlar hitaylargha tutup berip olumigi sewepchi boldi. Talip qerindashlirimiz qiziq qanliqqa tayinip ish qilish we weziyetni toluq molcherliyelmeydighanlighi bilen , slam dinige nisbeten itiqati kamil we wetinimiz uchun jenini ayimaydighan rohqa ige bolghanliqtin ulardinmu kechishke bolmaydu.

Eziz Qerindashlirimgha Canadadin Bir Parche Het (7)

Qimmetlik qerindashlirim, hetimni oqughanliringizgha we pikir bergenligingizlerge kop rehmet .Hetimning dawamini besh hil Uyghurning ichidiki Kapir Uyghurlardin bashlaymen.
Kapir Uyghurlar- Burunqi mezmunlarda dep otkendek wetinimizning tarihi we jughrapiyelik ornining tesiri bilen tarihtin tartip birqanche hil dinlargha itiqat qilip kelduq.Bir milletning dinni itiqatigha tashqi weziyet intayin chong tesir korsitidu buningdin saqlinish mumkun emes. Hazirqi wetinimizning sharayitidin ap eytsaq, bashqa milletler bashqa dindikilerbilen alaqe qilish ishliri burunqigha qarighanda kop boluwatidu, bir qisim Uyghur lar oqush we tijaret hizmet ishliri bilen chetellerge chiqiwatidu,we bir qisim bashqa dindikiler oz dinini tarqitish uchun her hil bana sewepler bilen wetinimizde oz dinlirini teshwiq qiliwatidu, mushu seweplerdin bir qisim Uyghurlar bashqa dinni qobul qilip Kapir Uyghurlargha aylanmaqta. Mesilen Hiristiyan dinidikiler dunyada teshwiqati eng kuchluk bir din bolup, Engilis tilini heqsiz ogutishtek waste arqiliq oz dinni kozqarashlirini tediriji halda bashqilarning qobul qilishini emelge ashurmaqta.
Bir dostumning dep berishiche, bir kuni Yaponyede turghan wahtida bir hiristiyan dinini teshwiq qilghuchi bu dostimizning oyige kep Yaponche teshwiq metiryallirini berip din toghurliq teshwiq elip barmaqchi bolghanda,bu dostum Yaponliqlarning qaydisi boyiche biwaste men musulman dinida sining diningge kirelmeymen digenning ornigha kechuring men Yaponliq emes yaponchini yahshi oquyalmaymen dep jawap beriptu, u kishi turup siz qaysi millettin dep soraptiken, men Turuk dep jawap beriptu. Bir hepte otkendin keyin bu din tarqatquchi Turukche teshwiq metiryallirini kuturup yana kiliptu,andin keyin amalsiz men musulman dinigha itiqat qilimen hapa bolmang dep u kishini yolgha seliptu. Dimek mushundaq teshwiqatlarning bolishi bilen ,Hiristiyan dunyasining tez tereqiyatining tesiri bilen we Islam dinidiki bezi bir radikallarning dunyada aq qara dimey bi guna puhralarni otturiwatqan hadisilerning tesiride bir qisim Islam dinidikilerning bashqa dinlerge yuzlinish ehwali Uyghurla emes putun dunyada boliwatqan bir riyalliqtur.
Bu kapir Uyghurlar bashqa dinni kozqarashni qobul qilghini bilen ular ozining bedinidiki qanning Uyghur qeni ikenligidin hergiz tiniwalmaydu , ana tilini mediniyitini saqlap wetenning azatliq ishlirigha aktip qatinishidu shunglashqa Kapir uyghurlardin kechishkimu bolmaydu.

Eziz Qerindashlirimgha Canadadin Bir Parche Het (8)

Koyimqan qerindashlirim, hetimni oqughanliringizgha we pikir bergenligingizlerge kop rehmet .Hetimning dawamini besh hil Uyghurning ichidiki Dimukireat Uyghurlardin bashlaymen.
Dimukiratik Uyghurlar- Qizil pachaq hitay komunisliri wetinimizni ishqal qilghandin keyin bir turkim Uyghurlar Turkiyege we bashqa gherip doletliride dimukiratiye idiyisini qobul qilip, wetenni azat qilish yollirini izdinishke bashlidi.Merhum Eysa Aliptikin we oghli Erkin Aliptikin ependim bu Dimukirat Uyghurlarning tiplik misalliridur.Yiqinqi10 yildin beri chetellerge oqush we bashqa yollar bilen chiqip oqushlirini tamamlashturup ozi turghan doletlerge jayliship bu herketler tehimu rawajlinip, chetellerde nurghunlighan Uyghur teshkilatliri quruldi we tereqqi qilip bugunki kunde birqanche teshkilatlar birliship Uyghurlarning Dunyadiki eng ali orgini DUQ ni shekillendurdi.Bu dimukirat Uyghurlar gerche qollirigha qural ilip hitaylar bilen urushmighan bolsimu, cheteldiki tes sharayetlerde bir tiyinmu muash almay, qimmetlik waqitlirini chiqirip Uyghurlarning derdini helqaragha yetkuzish, hitaylarning Uyghur helqining qanini shorawatqan epti-beshirini helqara jemiyitige ashkarlash, helqaraliq insan oquqini qoghdash teshkilatliri we munasiwetlik orunlar arqiliq hitaygha bisim churushish, helqimizning heqiqi mediniyiti tarihi qatarliqlarni dunya helqige bildurush, we chetelde yashawatqan we chetelge chiqmaqchi bolghan qerindashlirimizgha yeqindin yardemde bolush ,amerikida erkin radio istansisini qurup weten helqige dunya weziyitidin durus hewerlerni berish we iydiyini birlikke kelturush qatarliq ishlarni qilip wetinimizni teshliq dimukiratiyelik yol bilen azat qilish yoligha asas salmaqta.
Demukiratiyelik Uyghurlarning arisidimu kozqarash jehettin ohshimasliq sewewidin mehsetliri bir bolsimu tutqan yollirida ohshimasliqtek ehwallar mewjut boliwatidu, mesilen yeqinda Amerikida Sherqi Turkistan Surginde Hokumiti qurulup Uyghurlar arisida DUQ bilen STSH ning qaysisini imaye qilish mesilisi toghurluq arsalda bolidighan ehwallar yuz bermekte.Gerche bu dimukirat Uyghurliri arisida tutqan yollirida ohshimasliq ehwalliri mewjud bolsimu ishiningizki bu Uyghurlar weten azatliq yolida muhim rol oynaydighan bir ochmes kuch bolishida ishenche kamil.Shunglashqa bu Uyghurlardin kechishke tehimu bolmaydu.

Eziz Qerindashlirimgha Canadadin Bir Parche Het (ahiri)

Wapadar qerindashlirim, Uyghur helqi yoqurida tehlil qilghinimdek her hil kozqarashlarda bolsumu peqetla bir nishan uchun u bolsimu bizning azatliq kurishimiz uchun bir yaqidin bash bir yengdin qol chiqirip oz ishimizni ozimiz qilmisaq bu dunyada bashqa yol yoq. Yardem qilidighanlarmu chiqidu,biraq shuni eniq bilishimiz kerekki herqandaq bir ishning emelge eshishigha kozi yetken chaghdila andin yardemler kelgili turudu, bu bolsa jemiyet tereqiyatining bir qanunudur. Shunglashqa uluq azatliq ishimizni emelge ashurishning achquchi Uyghur helqining oz qolida.Ozimiz tehiche birlikke kilelmey sen hayin u sarang men emmini bilidighini dep bir birimizni chishlep tartip yursek heqqe yem bolup omur wayet qul bolup otumiz.
Putun dunya miqyasidiki oz tumuridiki qanning Uyghur qeni ikenligini ihrar qilidighan barliq qerindashlar : Birlisheyli ! Itipaqlishayli! Bir bayraq astigha toplishayli!
Birlikni emelge ashurishning birdin bir sherti, bolupmu Uyghur helqidek mushundaq kunge qalghan heliq uchun birdin bir yol bizde bir leader bolishi kirek, yeniy bizde hemmeylen imaye qilidighan we choqinidighan bir bashlamchi bolishi kirek, bu leaderning yenida her jehettin yetishken meslihetchiler gurppisi bolidu elwette.
Hazirqi dunyadiki Uyghurlarning emili ehwalidin qarighanda bizge leader bolalaydighan birla namzat bar u bolsa ERKIN ALIPTIKIN. Erkin Aliptikin ependimning Dadisi Eysa Aliptikin merhum putun hayatini millitimizning azatliq ishlirigha beghishlighan idi, Erkin aliptikin ependim dadisining ishigha warisliq qilip Uyghur helqining azatliq ishi uchun kichini kundizge ulap, uyghur mesilisini helqaraliq mesilige aylandurush yolida tinmay japaliq kuresh qilghan Uyghur helqining ichide abiroyi bar bir Uyghur oghlanidur.
Shuni eniq bilishimiz kerekki herqandaq bir heliq beshigha kun kelgende sen men dimey birlishidu, Hitay cheghida Yaponyege qarshi urushta bir birige bori bilen qoydek och bolsimu Yaponyege birlikte qarshi turghan idi.
Bir millet uchun bashqa millet teripidin harlinishidin artuq dert barmu? bir millet uchu oz wetinini heqqe tartqizip qoyghandin artuq nomus ish barmu? Bir millet uchun ana tilidin ayrilishtin artuq azap barmu?
Qerindashlirim birlisheyli, Ay yultuzliq kok bayraq astigha toplishayli,Erkin Aliptikindin ibaret dahimizni qizghin suyeyli!

Ahirida Ush bu hetimni oqushqa wahtini ajiratqan we semimi pikirlerni bergen barliq qerindashlirimgha chin qelbimdin teshekur bildirimen.